لە عەرعەرەوە
کچۆڵەیەکی چاوسەوزی هەڵەبجە
دەگاتە جێ
سەبەتەیەک ماچی پێیە
لەبەردەم تیاترۆکانی نیشتمان
لەبەردەم کەنیسە و مزگەوت و
پەرلەمان
ماچ دەفرۆشێ
هاوار دەکا،
ئەوە ماچی هەڵەبجەیە، دانەی هەزار
یاڵا ماچ، یاڵا ماچ
کێ دەیکڕێ
لە کاتژمێری یانزەدا
ئۆتۆبێلێکی جام ڕەش دێ و
رادەوەستێ
شەلاتیەک دادەبەزێ
جنێو دەدا بەهەڵەبجە و
ئەم کچۆڵە
لە چاوەکانی فرمێسک و
لەروحیدا تەنیاو تەنیا
بۆن کروزی شەهیدێکی
لێهەڵدەستێ
تف دەکاتە نیشتمان و
دەگەرێتەوە بۆ مردن
بۆ هەڵەبجە !!!!
وریاجەلیزادە[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 367 gånger