دەقی ڕاگەیەندراوەکەی کەجەکە:
ئێمە بەڕێزەوە یادی سەرۆک کۆماری #مەهاباد# قازی محەمەد و هەڤاڵەکانی دەکەینەوە، کە لە 31ی ئازاری 1947 لەلایەن دەوڵەتی ئێرانەوە لە سێدارە دران. بە دڵنیاییەوە کوردستانی ئازاد، کە خەون و پەرۆشیی ئەوان بوو بەدی دێت.
تێگەیشتن و عەقڵییەتی دەوڵەت – نەتەوە، کە وەک فیتنە و فەسادی هاتووەتە ڕۆژهەڵاتی ناوەڕاست و ئایدیۆلۆژیا ڕەگەزپەرستییەکەی سەدەی بیستەمی کردووە بە سەدەی جینۆسایدکردنی کوردان. گەلی کورد لە دژی سیاسەتی داگیرکەری ڕاپەڕیوە و داوای ئازادیی کردووە. ئەم داوایەی کورد بە لەسێدارەدان و قەتڵوعام وەڵامی دراوەتەوە. کۆماری مەهابادی ئازاد و خۆسەریش بە کۆمەڵکوژی و لەسێدارەدان ڕووخێنرا. سیاسەتی لەسێدارەدان و قەتڵوعامی تورکیا و ئێران بەرامبەر بە کورد ئەوەمان نیشان دەدات، کە چۆن لە سەدەی بیستەمدا نکۆڵی و زوڵمیان لە دژی کورد بەڕێوەبردووە. ئەمڕۆش سیاسەتی نکۆڵیکردن و زوڵم و زۆرداری لەسەر کورد هەیە. گەلی کورد دەیەوێت بە شێوەیەکی خۆسەر و ئازادانە لەناو برایەتیدا لەگەڵ گەلانی ناوچەکەدا بژی، بەڵام ئەم داواکارییە قبوڵ ناکرێت. لەسەر نەتەوە، کولتوور، گەل، بیروباوەڕەکانی دەرەوەی تێڕوانین و عەقڵیەیتی دەوڵەت - نەتەوە سیاسەتی گوشار، چەوساندنەوە، ستەم و جینۆسایدی کولتوری بەردەوامن.
لە سەدەکانی 20 و 21دا تەنها گەلی کورد لە چارەسەرنەکردنی کێشەی کورددا ئازاری نەچەشت، بەڵکو دەوڵەتەکانی ناوچەکە و گەلەکانیشیان نەیانتوانی لە قەیرانی سیاسی و کۆمەڵایەتی ڕزگاریان ببێت. وەک ڕێبەر ئاپۆ دەڵێت، چارەسەرنەکردنی پرسی کورد وەک سزایەکە بە سەر ڕۆژهەڵاتی ناوەڕاستەوە. بۆ ئەوەی وڵاتانی ناوچەکە و ڕۆژهەڵاتی ناوەڕاست لە قەیران ڕزگاریان بێت و لەو ناوچانەدا سەقامگیری و ئاشتی بچەسپێت، پێویستە کێشەی کورد چارەسەر بکرێت.
کێشە سیاسی و کۆمەڵایەتییەکانی ئێران ئەمڕۆ چارەسەرێک بۆ کێشەی کورد دەسەپێنن. ئەو ڕاستییە ئەوەمان نیشان دەدات، کە بەدیهێنانی کوردستانی ئازاد و ئێرانی دیموکراتیک ئەستەم نییە و بەدیهاتنیان نزیکە. لەو ڕووەوە شەهیدانی هەموو بەشەکانی کوردستان بە هاتنەدیی کوردستانێکی ئازاد واتادار دەبن. بە دڵنیاییەوە بەوەش وەک نەمرانی کوردستان لە مێژوودا دەمێننەوە.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,669 gånger
Skriv din kommentar om den här artikeln !