کەر و خۆڵەمێشن
هاوشێوەی ئه و ئیدیۆمەش هەیە کە دەڵێت: وەکو سەگی سەر زبڵدان، لە زستانی سارد وسۆڵدا سەگ زۆر حەزی لەسەر گیفۆک و سەرین گوان و زبڵدانە، چونکە گەرمە ئەگەر بەفر یەک مەتریش ببارێت مادام ژێرەوەی گەرمە بێ باک لەسەر زبڵدانەکە وەردەکەوێت و دەخەوێت، ئاژەڵی گوێدرێژیش یەکێک لە چالاکیەکانی بۆ پشوودان و پشت خوراندن گەوزینە لە خۆڵە پۆت و خۆڵەمێش و خۆڵە کەوە و مشکی و مشکیدان، ئەوەندە حەزی پێ دەکات وەک ئەوەی ڕوونی سەگی لە قەلب بدەی، هەندێک پارچە زەوی ناوی ئاقارانیش لە گوندەکانی کوردستان بەناوی(کەر گەوز) هەیە، ئەوە لایەنی ڕاستەقینەی ئیدیۆمەکەیە، وەکو ئیدیۆمیش بەکاردێت بۆ لێک وەشانەوەی دوو شت بەیەکەوە یان کەسێک زۆر جوان لەگەڵ کار و ئیشەکەی بسازێت و گونجاو بێت بە تەوس و گاڵتەوە دەوترێت: کەر و خۆڵەمێشن.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 882 gånger
Skriv din kommentar om den här artikeln !