مژمۆر لە ناو کوێراندا چاوساغە
- مژمۆر، مژومۆر، مژمۆڵ: واتە مڕ و مۆچ، خەواڵوو، چاو نیوەکراوە، کوێر: نابینا و هیچ شتێک نابینێت، زۆرجار هاوشێوەی ئەم ئیدیۆمە، کورد بۆ کەسێک کە هیچی تیابەستە نییە، بە بەرواردکاری خەڵکانی دەوروبەری هەندێک باشتر بێت و لە ناو کۆمەڵە کەسێکی لە ئاستی خوار خۆییدا مەزنتر و چاکتر دەردەکەوێت، وتویەتی: لە چاو شلان پەیتە، یان زۆر جاران بە پیاوێکی نامەرد و بێ کەڵک وتراوە: لە ناو ژناندا پیاوە، بە مانای ئەوەی لە ناو پیاواندا پیاو نییە تەنها لەناو ژناندا بەپیاو دێتەبەرچاو، لێرەش ئەگەر مرۆڤ مژمۆر بێت و تەنها یەک چاوی کراوە بێت لە خەڵکی کوێر و نابینا ڕێگا دەبینێت، بەبەرواردی کوێرانیش وتراوە: ئەوەی یەک چاوی هەبێت پاشایە، بۆیە لە کوردەواریدا ئه و ئیدیۆمە جوانەی لێ بەرهەمهاتووە، بۆ بە نادیدەگرتنی کەسایەتی و پێگەی کەسێک کە شایانی پیاهەڵدان نەبێت و بە بەراوردکاریش لە دەوروبەرەکەی باشتر بێت وتراوە: مژمۆر لە ناو کوێراندا چاوساغە. [1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 923 gånger
Skriv din kommentar om den här artikeln !