جۆری وشە: ناو
واتا: خەنجەری دەبان: ئەمێرێکی کەلەپووری جەنگی کوردییە، گەورەترین و تیژترین جۆری خەنجەرە، دەسک و کێلانی خەنجەرەکە لە دار درووست دەکرێت، (هەندێک جار کێلانی خەنجەر لە چەرمی ئاژەڵ درووست دەکرێت، لەبەر سووکی کێش) لێو و نووکی کێلان لەگەڵ دەسکی خەنجەرەکە نەخشین دەکرێت، خەنجەری دەبان تیغەکەی نزیکەی چل بۆ پەنجا سانتیم دەبێت، دەمەکەی پانە و هەردوو دیوی تیغەکە تیژە کورد وتەنی وەک ئاو موو دەکات، نووکی دەبان زۆر تیژ و تەنکە، وەستایان و شارازانی کورد تیغەکەی لە جۆرە پۆڵایەکی جەوهەردار درووست دەکەن کە زۆر ڕەقە و نانووشتێتەوە، پیاوە دنیادیدەکانی کورد کاتێک خەنجەری دەبان هەڵدەگرن و بەکاری ناهێنن تووتن دەکە ناو کێلانەکەوە بۆ ئەوەی تیغەکە خراپ نەبێ. [1]
نموونە لە پەندێکی کوردی: #خەنجەری دەبان، لە کێلاندا ناوەستێ#
نموونە لە هۆنراوەیەکدا: ژاری زاری ماری هارە، هاژە هاژی گوللەیان، زۆر بەرینە برینی گوللە و خەنجەری دەبانی کورد
Anmärkning : Kurdipedia vill samla " alla " kurdiska ord och fraser från alla dialekter . Snälla hjälp Kurdipedia ...
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 591 gånger