ناونیشان: پاشای هەسارەکان بە چاوەکانی تەلەسکۆپی جێمس وێب
نووسەر: #لوقمان حەوێز#
ئەم دیمەنەی ئێرە نوێترین وێنەی پاشای هەسارەکانی کۆمەڵەی خۆرە، جوپیتەر (موشتەری) بە چاوەکانی تەلەسکۆپی جێمس ویب.
ئەمە نوێترین دیمەنی هەسارەی جوپیتەرە کە هی بەر لە دوو هەفتەیە و بە هاوێنەکانی جێمس وێب و سێ کامیراکەی سەر تەلەسکۆپەکە گیراوە، وێنەکە هی شەبەنگی تیشکەکانی خوار سورە لە کورتەوە بۆ درێژ، ڕەنگە جیاوازەکان ئەوڕۆڕا یان شەفەقی جەمسەری نین بەڵکو پێکهاتە جیاوازەکانی سەر ڕووەکەی و نێو بەرگە هەواکەی نیشاندەدات، هەروەها لەڕێی شەبەنگەکانی تیشکی خوار سور پلەی گەرمی بەشەکان و بەرگە هەواکەشی زۆر بەوردی دەزانرێت، لەڕاستیدا ئەم وێنەیە بڕێکی زۆر لەداتاشی لەگەڵدایە سەبارەت بەو پێکهاتانەی سەر ڕوو و نێو بەرگە هەوای هەسارەی موشتەری.
شەبەنگەکانی تیشکی خوار سور بەچاوی ئاسایی نابینرێن بەڵام ئەم وێنەیەی ئێرە دیمەنی هەسارەکەیە دوای گۆڕینی شەبەنگی تیشکەکانی خوار سور بۆ فۆرماتێک بەجۆرێک بتوانین بەچاوی ئاسایی هەموو وردەکاریەکانی جوپیتەر ببینین. [1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 345 gånger
Skriv din kommentar om den här artikeln !