چۆن دەتوانم؟
لە کتێبی: #گوناه#
بەرهەمی: #عەلی حەسەنیانی#
گوتم:
دەبێ خەم وەلانێم،
خەم خۆرەیە...
گوتم:
دەبێ کۆشکی کەسەر
تێکڕووخێنم
گوتم: دەبێ بادەی پەژارە بڕێژم،
شووشەی جەخار تێکبشکێنم
کەچی دیتم زۆر ئەستەمە...
من کە کوردم،
ڕایەڵ و پۆی بزە و نیگا و وتەم خەم و پەژارەیە،
چۆن دەتوانم؟
من ڕواوی شۆرەکاتم
ڕێبواری ڕێگەی نەهاتم،
دوورە هاتم
خەم هەوێنی ژیانمە،
خەم بوونمە،
خەم مانمە
ئەگەر لە نێو شەوەزەنگا،
هەتاوی گەش هاتە دەرێ،
ئەگەر داری ئاواتی کورد،
هاتە بەرێ،
ئەو دەم خەم خاشەبڕ دەکەم
ژینم لە شادی پڕ دەکەم
ئەوسا ئەگەر کوڕم پرسی:
خەم چلۆنە؟
دەڵێم: ڕۆڵە! خەم پێوارە،
خەم نەدیوە،
ئەوسانەیە
ئەگەر گوتی:
شادی چیە؟
دەڵێم: شادی شێعری منە،
بزەی تۆیە،
گوڵی جوانی زەمانەیە!
1991
[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 297 gånger
Skriv din kommentar om den här artikeln !