بۆ یەکەمجار لە هەرێمی کوردستان و لەسەر #قەڵای هەولێر# لە لایەن ماڵی میوزیکی زەهاوی کۆنسێرتێکی ئۆپێرا بەڕێوەچوو. کۆنسێرتەکە لە لایەن #پەروین چاکار#، هونەرمەندی باکووری کوردستان پێشکەش کرا.
پەروین چاکار، هونەرمەند بە ڕووداوی گوت: ئەوە یەکەمجار بوو بۆمن، سەرەتا وامزانی کە خەڵکی ئێمە لێرە لە هەرێمی کوردستان حەز لەو جۆرە گۆرانییە ناکەن، بەڵام زۆر بەدڵیان بوو و چەپڵەیان لێدەدا. من زۆر سەربەرزم و سوپاسی هەمووان دەکەم.
#هەژار زەهاوی#، کە ڕێکخەری کۆنسێرتەکە بوو باسی لەوە کرد: [ئۆپێرا] ستایلێکی زۆر زۆر قورسە، هەر کەس و نەتەوەیەک ناتوانێت ئەوە ڕێکبخات، بەڕاستی ئەمشەو بینەرێکی 300 کەسی کاژێرێک و 20 خولەک گوێیان لە ئۆپێرا بوو.
لە کۆنسێرتەکەدا کە ژمارەیەکی بەرچاو لە سیاسی، هونەرمەند، میوزیکژەن و خەڵکی ئاسایی تێیدا بەشدار بوون، هونەرمەندە کوردەکە بە زمانی جیاواز گۆرانی پێشکەشی ئامادەبووان کرد، هەروەها چەندین گۆرانیی کۆنی کوردیشی پێشکەش کرد.
شێرکۆ حەمە ساڵح، میوزیکژەن و بەشداربوویەکی کۆنسێرتەکە دەڵێت: لەمەوە بۆمان دەردەکەوێت کە میوزیکی کوردی چەندە دەوڵەمەند و لەبارە بۆ ئەوەی دانەرە کوردەکانمان بتوانن کار لەسەر ئەوە بکەن کە زمانی کوردی ببێتە زمانێکی جیهانی لەڕووی گوتن و خوێندنی ئۆپێرادا.[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 926 gånger
Skriv din kommentar om den här artikeln !