سمڵکە، گوڵە قەدیفە، سڵقی ئەمریکی، سۆداو، پۆپیتە کەڵەباب، سەوڵ
سمڵکە. گیایەکی وەرزی هاوینەیە، به تۆو زیاددەکات، بەیەکێک له گيا بەناوبانگەکانی دەشتی #بیتوێن# و (#ڕانیە#) دادەنرێت و له ناوچەکانی تری بڵاوە، گیايە جوتیار خۆشی ناوێت، باڵای له بەرزترین ئاستدا دەگاتە (2) مەتر و لە نزمترین ئاستدا (40) سانتیمەتر دێمیه و له ڕۆخ جۆگە و دێراوەکاندا دەڕوێت، بەتايبەت لەسەر ڕێگاکاندا، گەڵاکەی له شێوەی گەڵای سڵق دەچێت و ناسک و جوان و بريقەدارە، بەرەکەی لە شێوەی هێشوو دەچێت، بەر هەر کەسێک بکەوێت هەموو جەستەی خروی تێدەکەوێت، پێست هەراسان دەکات و له خروو ناکەوێت، گەڵاکی دەخورێت وەک گيا برژێوه سور دەکرێتەوە لەگەڵ ڕۆن و هێلکه و هەروەها گەڵاکەی وەک سڵق بەکاردێت بۆ دۆڵمە، پڕیەتی له ڤیتامین و بە سودە بۆ جەستەی مرۆڤ، لە سەدەکانی ناوەڕاست دا بەکاريان هێناوه بۆ وەستاندنی خوێن بەربوون، هەروەها ئارەزووی خواردن زیاددەکات، چونکە جگەر چالاک دەکات، زۆر نەرم کە ڕەوەیە بۆ گەدە و ڕیخۆڵەکان و قەبزی ناهێڵێت.
لە سەرەتای مانگی نەورۆزدا چرۆ دەکات، لە مانگی گوڵان باڵا دەکات و لە پوشپەڕ و خەرماناندا گوڵ دەکات و دواتر بەرەو پيری دەچێت و گەڵاکانی ڕەنگی ناشیرین دەبن گوڵەکەی چەندین جۆری هەیە، بەناوبانگترینی گوڵە قەدیفەیە ڕەنگی مۆر و شەرابی و وەنەوشەییەکەی خۆشەویستن لای خەڵک و له باخچە و شوێنه گشتییەکان دەڕوێنرێت، خۆی دەگونجێنێت لەگەڵ هەموو کەشێک دا، حەز به پلەی گەرمی (25 تا 40) پلەی سیلیزی دەکات.[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 581 gånger
Skriv din kommentar om den här artikeln !