#هەولێر# لە زیادکردنی ئاوی سەرزەوی و ئاوی ژێر زەوی و گلدانەوەی ئاو، پێدەنێتە قۆناغێکی نوێ.
لە چوارچێوەی هەوڵەکانی زیادکردنی ئاوی سەرزەوی و ئاوی ژێر زەوی و گلدانەوەی ئاو و ئەنجامدانی ئەو پڕۆژانەی کە کاریگەریی گەورەیان دەبێت لە هاوکاری کردنی جوتیاران و ئاژەڵداران لە سنووری پارێزگای هەولێر، چەندین پڕۆژەی جۆراوجۆر ئەنجام دراون، کە بەشێکیان کارەکانیان تەواوبووە و بەشێکیشیان کارەکانیان تەواونەبووه.
بۆ کەم کردنەوەی کاریگەرییەکانی لافاو، کە لەو دوو ساڵەی ڕابردوو کاریگەریی خراپیان لەسەر هەولێر هەبوو، وەک قۆناغی یەکەم ڕەزامەندی لەسەر دروستکردنی 8 پۆند لەسنووری پارێزگای هەولێر دراوە.
لە قۆناغی دووەمیش دروستکردنی 14 پۆندی تر، بەگوژمەی (12 ملیار و 600) ملیۆن دینار، کە توانای گلدانەوەی 4 بۆ 5 ملیۆن مەتر سێ جا ئاویان دەبێت. ئەوە جگە لە هەڵکەندنی (4,320) بیری ئاوی پاکی خواردنەوە و (4,831) بیری کشتوکاڵی و (164) بیری پیشەسازی.
یەکێک لە ڕێگاکانی زیادکردنی ئاوی ژێر زەوی بریتییە لە دروستکردنی بیری دەستکرد. کە لە ڕێگەی کۆمپانیایەکی بەریتانی کاری لەسەرکراوە و بڕیار وایە لە قۆناغی یەکەم، 20 بیر لە دەوروبەری شاری هەولێر لێ بدرێن کە شوێنەکەشیان دیاری کراوە بۆ ئەوەی ئاوی سەر زەوی شۆڕ بکرێتەوە بۆ ژێر زەوی و تێکەڵ بە کۆگاکانی ئاوی ژێر زەوی بکرێت تا ڕێژەی ئەو ئاوە زیاد بکرێت. [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,045 gånger
Skriv din kommentar om den här artikeln !