ئی ماسە بێ موو نیا
نیشانێ شکوگومانینە جە چێوی، جە هەرمانێ، جە کەسێوە.
جە حاڵەتێنە و پەی کەسێ بەکار مێ کە وێش فرە دلسۆز نیشان بدۆ بەبێ ئانەی کەس چەمەڕاییش چەنە بۆ یا تەنانەت بێ ئانەی ئەویتەر داواش چەنە کەردەبۆ. کەسێ کە فرە پا گێرۆرە سەرو ئەنجامدای هەرمانێوە یا بە خاس وەرەچەم وستەی چێوێ کە فرەیچ سەرش بلۆ و سوور بۆ سەرش. چا حاڵەتەنە ئەوێتەری ماچا ئی گرد سەرلوایە بێ ئەو نیا، بە دڵنیاییۆ چێوێش ئینا پەشتیوە، ئاکەسە نیازێوەتەرش هەن گەرەکشا پی کاریە و پیجۆرە شارۆشۆ. ئێتر دڕدۆنگێ با وەنەش و بە گومانۆ تەماشەش کەرا و ماچا هەر ئەشۆ چێویش جێرو سەرەینە بۆ ئننا خۆ ئاننەیچ پاک، یەکڕەنگ، یەکدڵ یا دڵسۆز نیا.
وێنا کریان بە ماسێوە کە فرە عال نریابۆ و عال گرسابۆ و بە ڕواڵەت عالتەرین و وەشتەرین ماس بۆ بەڵام کە چەمچەش مدەی چەنە، وینی مووێش چەنەن. خۆ هەر واردەمەنییەچ مووش چەنە بی، ئێتر کەس مەوەرۆش بەڵکو قیزیش چەنە کەرا و مجاش.[1]
Denna post har skrivits in (هەورامی) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Denna post har tittat 517 gånger
Skriv din kommentar om den här artikeln !