#لەتیف ڕەشید#، ڕۆژی پێنجشەممە#05-01-2023# لە کۆشکی سەلام لە #بەغدا# پێشوازیکرد لە وەفدی ئەنجومەنی زانایانی مەزهەبی شیعی لە ئەفغانستان. سەرۆک کۆمار ڕایگەیاند گەلی ئەفغانستان لە ماوەی دەیەکانی ڕابردوودا ئازارێکی زۆریان چەشتووە و پێویستە زاڵبن بەسەر ئەو کارەساتانەی کە بەدەستیەوە دەناڵێنن، هاوسۆزی ئێڕاقی بۆ گەلی ئەفغانستان دەربڕی و پشتیوانی خۆشی دووپاتکردەوە بۆ بەدیهێنانی ئاشتی مەدەنی و کۆمەڵایەتی و یەکگرتوویی ناوخۆیی لەنێوان هەمووان پێکهاتەکانی، هەروەها تەئکیدیشی کردەوە لەسەر بەهێزکردنی ئاساییش و ئۆقرەیی و ڕێزگرتن لە فرەڕەنگی و ئازادییەکان و دوورکەوتنەوە لە توندوتیژی و تۆقاندن. سەرۆک کۆمار جەختیکردەوە لە گرنگی سەربەخۆبوونی ئەفغانستان لە بڕیارداندا و پێویستی دۆزینەوەی شێوازەکانی پەرەپێدانی ئاستی گفتوگۆی ناوخۆیی بۆ گەلی ئەفغانستان لە پێناو دەستەبەرکردن و زامنکردنی لێکتێگەیشتن و بەرژەوەندی هاوبەش، ڕایگەیاند گومانی تیادا نییە حکومەتی ئەفغانستان نوێنەرایەتی تەواوی پێکهاتەکانی خۆی دەکات لەپێناو بەدیهێنانی خواستەکانیان لە بنیاتنانی ئۆقرەیی و خۆشگوزەرانیدا. لە بەرانبەردا، وەفدەکە ڕوونکردنەوەیەکی سەبارەت بە دۆخی ئەفغانستان خستەڕوو، هەروەها سوپاس و پێزانینی خۆیان بۆ سەرۆک کۆمار دەربڕی بۆ ئەو پێشوازییە گەرمەی لێیکردون، هەروەها ستایشی ئەو پشتیوانییەیان کرد کە ئێڕاق لە گەلی ئەفغانستانی دەکات لە پێناو دابینکردنی ئاساییش و ئۆقرەی لە ئەفغانستاندا. [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 540 gånger
Skriv din kommentar om den här artikeln !