$دەربارەی نیشتمانچێتی$
#ئیدریس مستەفا#
نیشتمانچێتی جگە لە وەهمێک شتێکی تر نییە. وەهمێکە وەک وەهمەکانی دی مرۆڤ ئاگایانە و بێ ئاگایانە دەکەوێتە ناوی. عەوداڵ بوون بە دوای شتێکدا، کە بەرهەمێکی شایستەی بۆ مرۆڤ نەبێ، جگە لە وەهم شتێکی دی نییە. نیشتمان ئەو خاک و ئاوە نییە. بێ ئەو نەتوانی بژی یاخود لە مەراقدا بیت بۆی، بەڵکوو نیشتمان ئەو وێنە فیزیکی و ئایدیال و ماتریاڵەیە لە دەمانێکی تەمەندا دەکێشرێن و دەبنە تابلۆی ژیان. نیشتمان هاوواتایە بە مەرگ و وێرانەیی و بێ مەئوایی و غەریبی. دێهات و شار دەبن بە کەلاوە و مرۆڤەکانی دەفەوتێن و تووشی هەلاکەت دێن دەڵێن قەیناکە بۆ نیشتمانە لە کاتێکدا ئەوەی وێران بووە نیشتمان خۆیەتی. ئەوەی مانا دەدا بە نیشتمان و ناوەکەی وەک پیرۆزیەک دەیهێڵێتەوە دوو بەرەن: بەرەیەک ئەوانەی لێی دەخۆن و قەدیش قوربانی بۆ نادەن و دەڵێن نیشتمان لەسەروو هەموومانەوەیە؛ بەرەکەی تر ئەوانەن سۆزداری دەدەن نیشتمان و لە دڵدا شیرینی دەکەن و لە خراپیەکانی بەرەی یەکەم دایدەماڵن و ئەمانیش دەڵێن نیشتمان لەسەروو هەمووانەوەیە. لێرەوە هەر دوولا نیشتمان دەکەن بە وەهمێک و دەیخەنە گەردنی مرۆڤەکانی تری کۆمەڵگە، چونکە ئەوانەی بانگەشەی نیشتمانی بوون دەکەن هەر ئەوانە نیشتمان نابود و زەلیل دەکەن. نیشتمانێک گەر بەها و نرخی ژیانی مرۆڤی تێدا پارێزراو نەبێ، نەبێ باشترە! [1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 424 gånger
Skriv din kommentar om den här artikeln !