سنە ئانکو ب فارسی دێبیتە سنندج پشتی باژێرێن #کرماشان# و #ورمێ# سێهەم باژێرێ مەزنێ #روژهەلاتا کوردستان#ێیە، سنە پایتەختا میرنشینێن ئەردەلانی کو ب حکومەتا کوردستانێ یا بەرنیاسە، بوویە. ل ساڵا 1406 یا زایینی سنە گوندەکێ بچیک بوو لێ بەلێ پشتی کو میرنشینیا ئەردەلان ل ڤی جهەی جێگیر بوویە دەست ب بەرفره کرنا وێ کریە بەرەبەرە مەزن کریە بینا و خانی ب ئەندازیارییەکە جوان چێکرینە و بوویە ئەڤ سنەیا ڤێ گاڤێ کو ب ئێک ژ دەڤەرێن هەرە جوان و سەرنج ڕاکێشین کوردستانێ تێ ئەژمار کرن، لدیف سەرژمێرییا ساڵا 2021 یا ئیرانێ ڕێژەیا ڕونشتڤانێن سنە پتر ژ 500 هزار کەسانە.
ل ڤی باژێرەی گەرەکەکە کەڤنار هەیە کو پێتری 500ساڵان بەریا نها ئاڤا کریە کو سەردەر و ئەندازیاریا وێ ب شێوەیەکە کەڤن و شوینواری هاتییە چێکرن.
ل سنە دوی دەمەیدا تشتەک دناڤا خەلکێ وێ یا بەربلاڤ بوو ئەویش مێهڤان دوستی بوویە کو هەتا ڤێ گاڤێ ژیک ب ڤی خەسلەتەی یا بەرنیاسە، د کەڤن دا هندەک مالان شاخێن ئاژەلان ب سەردەرێ خانێی خوە ڤە هەلدواسین کو ئەڤە ژی نیشانا وێ چەندێ بوو کو ئەڤ مەکانە یێ بەرهەڤە بوو بهێن ڤەدانا مێهڤانان. هندەک سەردەرێن دن ژی سەرێ پشیکێ لسەر دەرگەهێ خوە دنەخشاند کوو ئەویش نیشانا هندێ بوویە خودیێ ڤێ مالێ کەسەکێ هشیارا و زندییە و کەسەک نکارت دەگەیان لێبدەت. بەشەکە مەزن یا ژیانا خەلکێ دەڤەرێ لسەر کشتوکالی و ئاژەلدارێی بوویە.
شا سافی، شەشەمین پاشایێ سەفەوییان بوویە کو ئێرشی سەر ڕوژهەلاتی کوردستانێ کرییە و کەلها پاڵنگان و زەڵم و حەسەن ئاوا وێران کرن و ل سنەیا هەنووکە باژێر و مزگەفت چێکرن و کرە ناڤەندا دەسهەڵاتا ئەردەلانییان.
هەتا ڤی دەمەیش گەر مروڤ ب کوچە و کۆڵانێن سنەدا تێبپەریت نەخش و نیگارێن سەرنج ڕاکێش و جوان یێن وی سەردەمەی دبینیت. [1]
Denna post har skrivits in (کرمانجی - کوردیی سەروو) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 251 gånger
Skriv din kommentar om den här artikeln !