$ڕۆژی ناردنی نامە:$ #24-11-1991#
برای زۆر خۆشەویستم کاک عیزەدینی بەڕێز
سڵاوێکی گەرم
شادی و خۆشیی و سەرکەوتنتانم داوایە. زۆر سوپاس بۆ لوتفنامەکەتان. بەڕاستی زۆر حەزدەکەم بزانی کە من ئێستە تۆ بە برایەکی زۆر خۆشەویست و زۆر بەڕێزی خۆم دەزانم و پڕ بە دڵ خۆشەویستی و تەقدیرم بۆتان هەیە. خۆشم بە بەختەوەر دەزانم کە خاوەنی برای وەک تۆم. هەرچی بیکەم بۆتان هەر کەمە. بۆیە چی لە دەست من بێت بە چاوان دەیکەم: (وأنت تتدلل) وەک پڕۆفیسۆرێکی ژیری کورد و برایەکی خۆم.
کاکی خۆم
بۆ سەرکەوتنی تۆ لە هەردوو کارەکەت بێ منەت بە لە داواکانت، برای دێرینی خۆت ئامادەیە.
زۆر شاد دەبم گەر پاش ماوەیەکی تر بێیت بۆلام شەوێکمان لابێت: د. #کەمال فوئاد#یش دێتەوە، پێکەوە هەم باسی دانیشگە و هەم باسی بەشیریاتیش دەکەین.
هیوادارم خواوینەتان زیاد بکات بۆ سەرخستنی کوردایەتی و کوردەواری و خوێندەواری و هەر بژی بۆ برای دڵسۆزتان. [1]
#مام جەلال#
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 487 gånger
Skriv din kommentar om den här artikeln !