کەریم خانو بەخشای قلیانەکېش.

کەریم خانو زەندی فەرمانشدا بە بنیاڎنیای مزگیێ گۆرەی جە شارو (شیراز) ی، فرەو جاری سەردای ئۊسا و کرېکارەکا کەرۍ، ڕوێشا دمای تەماشەکەردەی هەرمانو کاریشا و هونەری و دەسڕەنگینیشا، داواشکەردە یۊ جە پیاکاش کە قلیانێش پەی کەرۊنە، وەختێ نەفەسەش دا قلیانەکۍ، چەمێش هۊرۋست پەی چینە سەرینەکا، سەرو دیوارەکەیۆ، هەرمانبەرێ ڕووتەڵەش دی، کە تەماشەو ئاسمانی کەرېن و وەرو وېشەرە بۊڵنۍ، جارجاریچ چەمێ ۋزۍ پەی کەریم خانی.
کەریم خان، کرېکارەکەش چڕی و پەرساش وەنە: ئانە وەرو وېتەرە چېش ماچۍ؟
کرېکارەکە ماچۊ: واتم خوڎا گیان تۊ نامېت (کەریم) ەن، ئا شاهەنشایچە کە هەر پېسە من بەندێوە وېتەن، ئاڎییچ نامېش (کەریم) ەن، منیچ ساعبێ تا وېرەگا بە هەقدەسێ کەم، وەرو ئی وەرەتاوە سەرە پڕووزنەیۆ هەرمانەش پەی کەرۊن، هەر نامم (کەریمەن) ، جە وەختێنە ئا پاشا کە قلیانێ زەڕینە ئینا وەردەمشەنەو نەفەسېش مڎۊ وەنە، منیچ قومێ سەبیلم دەس نمەگنۊ، ئەی خوڎا سەرەم سوڕمەنەن چی جیاوازیەیە، مېیانو ئی یەرە (کەریم) ەینە!
کەریم خانیچ بەزەییش ئاماوە پۊرە، قلیانە ئاڵتونینەکۍ وېش داپەنە، پەنەش وات بە هەرزان نەورەشیش، پاسە گېڵناوە کابرای کرېکار بە قیمەتو قلیانەکۍ دوڵەمەڼ بېیەن و ژیوایش وەش بېیەن.[1]