جیای من، وېش بېدار کەردەنۆ
ئېمە پېسە کەسایەتی و پېسە تاکێ سەربەۋۍ، هەڵای وېما نەشناسان، ئېمە چوونکم باوەڕما بە وېما نېیەن، پېسە تاکی ئازادی نەتاوانما بیمۍ بە خاوەن قەرارێ وېمانە، تووتی ئاسا هەر واتەنماوەو ماچمېشۊ.
ئېمە ئا کەسە نېیەنمۍ کە مەشۊم بیمۍ، ئېمە ۋیرەکېما، ڕاکېما، ۋیروباوەڕەکېما، هینۍ خەڵکی تەرینۍ.
مەڵلا نەسرەدین، مەلۊ پەی شاری، ڕانە لامدۊ دلۍ ئاساوێ، چاگە بە ئاسەوانەکەی ماچۊ: فرە هیلاکەنا، با چېگە بووسو، ساعبێ زوو هایېم کەرۆ، ڕام دوورەنە، وەختێ وەرمش گنۊ پۊرە، کابرای ئاسەوان پەی وەشی کڵاوەکۍ مەڵڵای مارۊرە، کەرۊش سەرەش، کڵاوەکۍ وېچش کەرۊ سەرەو مەڵڵای، ساعبێ بېدارش کەرۊوە، مەڵڵا گنۊ ڕا، نیمەو ڕێ بڕۊ، یاوۊ سەرو هانەو ئاوێ، وەختێ مڎیۊنە دلۍ ئاوەکۍ، وېش وینۊوە، ماچۊ؛ ئەی خوڎا گېرۊت ئاسەوان، جیای ئانەی من هایکەرۊوە، کەچی ئاڎ وېش بېدار کەردەنۆ!
ئەها چن بە ئاسانی کەسایەتی وېما جە دەس مڎەیمۍ، چن زوو جە وېما فاڕیەیمۍ، مەڵڵا نەسرەدین تەنیا بە کڵاوەو کابرای، کە سەرەشەنە بۍ گردو بییەی وېش جە دەسدا.[1]