جوانی و بەختەوەری ئینا لاو وېماوە.

فرەو خەڵکی، جە بەرو وېشاوە مەگېڵان شۊنەو بەختەوەری و جوانیرە، نیگاشان ئینا سەرو بەرو وېشاوە، چەنی ئانەیە، جە وېشانە هیچ چېوێ بەڎیی نمەکەران. وېئەشناسای بەختەوەری تەمامەن، گوزەرکەردەی دلۍ دەروون و ناخو وېمارە، مەیاونۊما بە هەقیقەتێ، کە هەرگیز جە بەرو وېماوە دەسمان نمەگنۊ، چوونکم بە گوزەرکەردەی ناخو وېمارە، هەم وېما مشناسمۍ، هەم خالقی مشناسمۍ، هەم شارەزێ دڵ و دەروونیما بیمۍ و مەتاومۍ پاکشان کەرمێ، ئا وەختە هەم سەرفیرازی تەمام، هەم نزیکی جە زاتو هەقی بە دەسمارمۍ.
مەگېڵناوە، مەڵڵای مەشهوورە پەی ئەسای پاپۊشا (پاڵەیا) ڕوەو شار کۆتڕا، گوزەرو پاڵەیە ۋرەشەکارە گېڵا، سەرنجە ۋزۍ سەرو پاڵەیەکا، لوانە کۊگاو پاڵەیا، دەسشکەرد بە تاقیکەردەیۆ پاڵەیا، هەر ئېتێ کەرېنە عەیبێشا چەنە ئېزېوە، زیاتەر جە دە ئېتاش تاقیۍ کەردێ، بەڵام دڵش هیچکامش نەگېرتۍ. ساحېبو کۊگاکۍ بە حەوسەڵێ فرۆ خەریکو کاسبی وېش بۍ، کابرا پڕێنە سەرنجەش لوا سەرو ئېتێ پاڵەیا، دەسش دێنەو کەردېش پاش، دلۍ کوگاکېنە چن هەنگامێ ئیسەرو ئۆسەرو دووکانەکەیش کەرد، بە خاوەنو کوگاکۍ ماچۊ: قیمەتشان چڼەن؟
ئاڎییچ ماچۊ: ئا پاڵێ قیمەتشان نېیەن.
کابرا پەرساش: چەنی قیمەتشان نېیەن؟
دوکاندارەکە ماچۊ: چوونکم ئا پاڵێ هینەکۍ وېتەنۍ، وەختێ ئامای چوەر وەتېت!
چن وەختېن ئا پاڵێ کە بەدڵش بېنۍ، پاو وېشەنە بېنۍ، بەڵام نەوینېشا.[1]