بە شکۆوە یادی ڕاپەڕینی خەڵکی کوردستان پیرۆز دەکەین، ڕاپەڕین بەرهەمی هەماهەنگی هێزی پێشمەرگە و جەماوەری کوردستان بوو، بۆ وەستانەوە دژ بە ڕژێمێکی تاریک پەرست، بووە خاڵێکی وەرچەرخان بو بۆ گەلی کورد بە تایبەت لە باشووری کوردستان.
ڕاستە ئەو ئازادی و حکومەتە کوردستانیەی ئێستا هەیە بەرهەمی ئەو هەنگاوە مەزنەیە، بەڵام بەداخەوە ئەوەی ئێستا دەبینرێت، هێشتا نەتوانراوە وەک خۆی پەیامەکانی ڕاپەڕین و ئەو ئامانجەی کۆمەڵانی خەڵکی کوردستان لەپێناویدا ڕاپەڕین بەدیبهێنرێت، خەڵکانێک بە مەبەست سەرقاڵیی دووبارەکردنەوەی ئەو هەڵانەن کە ڕژێمی ڕووخاوی بەعس دەیکرد، لەبری یەکخستی گەل و درووستکردنی حکومڕانیەک کە بە یەک چاو سەیری کوردستان بکات، پیلانی نانەوەی دووبەرەی و درووستکردنی کەلێنن لەنێوان گەلەکەماندا.
لەم ساڵیادەدا دەمەوێت ئەوەیان بەبیر بهێنمەوە، ئەو کەسانەی سەرقاڵی بازرگانیکردنن بە سیاسەتی خۆسەپاندن لە خەیاڵدانی خۆیاندا وا لێک دەدەنەوە بەم کارانە دەتوانن خۆیان بەهێز و بەرانبەرەکانیان لاواز بکەن، بێ ئاگا لەوەی دەبێت چاوەڕێی هەمان چارەنووسی بەعس بکەنەوە، نەک باشتر لەو.
دووبارە پیرۆزبێت یادی ڕاپەڕینی مەزن و دەست بە سنگەوە دەگرین بۆ هەرکەسێک لەپێناو ئازادی کوردستان ئازاری چەشتووە.
براتان
#وەهاب هەڵەبجەیی#
#05-03-2023#
[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 501 gånger
Skriv din kommentar om den här artikeln !