ئێوارەی ئەمڕۆ #07-04-2023# لە ڕێگای درۆنی تورکییەوە، دوو موشەک ئاڕاستەی فڕۆکەخانەی نێودەوڵەتی #سلێمانی# کرا، موشەکێکیان نزیک کارگۆی فڕۆکەخانەی سلێمانی کردە ئامانج و موشەکێکی تر لەنێوان گوندی کێلەسپی و تەرمیناڵی نوێی سلێمانی لە نزیک فڕۆکەخانەکە کەوتە خوارەوە.
بەپێی زانیاریەکان، هەردوو موشەکەکە زیانی گیانی نەبووە و تەنیا موشەکەکەی نزیک کارگۆ زیانی ماددی هەبووە.
بەپێی زانیاریەکان بڕیار بووە ئێوارەی ئەمڕۆ 07-04-2023 #مەزڵوم کۆبانی# فەرماندەی هێزەکانی سووریای دیموکرات بە فڕۆکەیەکی تایبەت لە سلێمانییەوە بەرەو دیمەشق بەڕێ بکەوێت.
هەرچەندە موشەکێک لە نزیک شوێنی مانەوەی مەزڵوم کۆبانی کەوتووەتە خوارەوە، بەڵام ناوبراو ڕزگاری بووە.
هێرشەکەی ئەم ئێوارەی تورکیا دوای چوار ڕۆژ لە داخستنی ئاسمانی تورکیا بەڕووی فڕۆکەخانەی سلێمانیدا دێت.
بەرپرسانی ئەمنی سلێمانی و بەرپرسانی فڕۆکەخانەی سلێمانی لە هەوڵی شاردنەوەی هێرشەکەدان و هۆکاری ئاگرەکە بۆ سووتانی پووش و پەڵاش دەگێڕنەوە لە کاتێکدا گژوگیای دوروبەری فڕۆکەخانەکە لەم وەرزەدا سەوزە و گڕ ناگرێت. [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 660 gånger
Skriv din kommentar om den här artikeln !