ناونیشانی بابەت: کوڕ و کچی ئێزدی لە مانگی نیساندا هاوژینی پێک ناهێنن
ئامادەکردنی: #لەزگین#
بەرپرسی توێژینەوەی دەستەی باڵای بنکەی ڕۆشنبیری و جڤاکیی #لالش# لە دهۆک ڕایگەیاند، لەگەڵ دەستپێکردنی جەژنی سەری ساڵ لەناو ئێزدییان ژنهێنان و گواستنەوەی ژن قەدەغە دەکرێت. ئێزدی بە گوناهی دەزانن لە مانگی نیساندا ژن بێنن، لەبەر ئەوەی مانگی نیسان خۆی بووکی ساڵە و هیچ بووکێکی دیکە قبووڵ ناکات.
داوود خەتاری، بەرپرسی توێژینەوەی دەستەی باڵای بنکەی ڕۆشنبیری و جڤاکیی لالش لە دهۆک، بە (باسنیوز) ی گوت: ''سبەی 19/4/2023 لەناو ئێزدییاندا جەژنی سەری ساڵە، لەو جەژنەدا چەندین ڕێوڕەسمیان هەیە و لەو مانگەدا بووک ناگوێزنەوە، لەبەر ئەوەی مانگی نیسان خۆی بووکی ساڵە و هیچ بووکێکی دیکە قبووڵ ناکات. ئەم جەژنە زۆر کەون و دێرینە و ئێزدییان لەو جەژنەدا هێلکە ڕەنگاورەنگ دەکەن.
ئاماژەی بەوەش دا: لە پەرستگەی لالش چرا هەڵدەکەن و قەول و بەیت دەگوترێن و بەیانیی جەژن کابانی ماڵ گوڵ و هێلکەی ڕەنگکراو بە قوڕ یان هەویر بە سەردەرانی ماڵەکانیانەوە دەکەن. لەو ڕۆژەدا ئیزدییەکان پەز نادۆشن و جووتیارەکان هێلکە دەبەنە ناو زەوییەکانی خۆیان و توێکڵی هێلکە بە ناو زەوییەکانیاندا بڵاو دەکەنەوە.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 552 gånger
Skriv din kommentar om den här artikeln !