#لاهور شێخ جەنگی#، کە خۆی وەک هاوسەرۆکی #یەکێتیی نیشتمانیی کوردستان# دەناسێنێت، نامەیەکی فەرمی ئاڕاستەی #مەسرور بارزانی# سەرۆکی حکومەتی هەرێمی کوردستان کردووە.
لە ماوەی ڕابردوو، لاهور شێخ جەنگی نامەکەی ئاڕاستەی مەسرور بارزانی کردووە و تێیدا باس لەو پێشێلکارییانە کردووە، کە هێزە ئەمنییەکانی یەکێتی بەرانبەر کەسە نزیکەکانی ئەنجامیانداوە.
لاهور شێخ جەنگی لە نامەکەی باسی دەستگیرکردنی هەشت کەسی نزیکی کردووە و ئاشکراشیکردووە، لە ڕۆژی دەستگیرکردنیانەوە تا ئێستا #30-04-2023# بێ سەروشوێنن.
هەر لە نامەکەدا کۆمەڵێک بەڵگەی خستووەتەڕوو، کە تایبەت بووە بە ئەگەری هێرشی هێزەکانی یەکێتی بۆ سەر بینای هۆتێل لالەزار لە #سلێمانی#، کە شوێنی مانەوەی لاهور شێخ جەنگی و خانەوادەکەیەتی.
لە ناوەرۆکی نامەکەی لاهور شێخ جەنگیدا تەواوی ئەو فشارانە خراونەتەڕوو کە لەلایەن یەکێتی نیشتمانییەوە خراونەتەسەری بۆ ئەوەی چیدیکە نەتوانێت بە ناوی یەکێتییەوە چالاکی ئەنجام بدات. [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 510 gånger
Skriv din kommentar om den här artikeln !