بە مەبەستی چارەسەکردنی کێشەی کەمی وەرگرتنی بڕی گەنم لەلایەن حکومەتی ئێراقەوە، هەوڵەکانی حکومەتی هەرێمی کوردستان بەردەوامن لەپێناو چارەسەر کردنی و زیاد کردنی بڕی دیاری کراو. لەوبارەیەوە بێگەر تاڵەبانی وەزیری کشوکاڵ و سەرچاوەکانی ئاو ڕایگەیاند: پەیوەندیمان کردووە بە لایەنە پەیوەندیدارەکانی حکومەتی ئێراق بە مەبەستی چارەسەر کردنی گرفتی کەمی وەرگرتنی گەنمی جوتیارانی هەرێمی کوردستان و داوامان کردووە ئەو بڕەی کە دیاری کراوە بۆ هەرێم زیاد بکرێت. وتیشی: بڕیارە داواکارییەکەمان کە داواکاری جوتیارانی هەرێمە، بەم نزیکانە بگاتە بەردەستی سەرۆکی وەزیرانی ئێراق محەمەد شیاع السوودانی. ئاماژەی بەوەشدا کە؛ جوتیارانی هەرێم ڕەنجێکی زۆریان داوە تاوەکوو بەرهەمی گەنمیان بەڕێژەیەکی باش بڕواتە بازاڕەکانی ناوەڕاست و خوارووی ئێراق و ئێمەش هەوڵی جددی دەدەین تاوەکوو ئەو ڕێژەیەی دیاری کراوە زیاد بکرێت لە چوارچێوەی پلانی بە بازاڕکردنی گەنم لەلایەن وەزارەتی بازرگانی ئێراق بە هەمان شێوەی جوتیارانی ناوەڕاست و خوارووی ئێراق، بەهۆی بوونی ڕێژەیەکی زۆر باشی گەنم لە ئەمساڵدا 2023 لە هەرێمی کوردستان. [1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 416 gånger
Skriv din kommentar om den här artikeln !