سەرچاوەیەکی پەڕڵەمانی هۆکاری دواخستنی دانیشتنی دەنگدانی لەسەر ڕەشنووسی پڕۆژە یاسای بودجەی فیدراڵی بۆ کاتژمێر هەشتی ئێوارەی ئەمڕۆ ڕێکەوتی #08-06-2023# ئاشکراکرد.
سەرچاوەکە بۆ پێگەی بەغدا یەوم ڕایگەیاند، تا ئێستا سەرجەم ناکۆکییەکان سەبارەت بە بودجە و ئەوەی پەیوەندی بە بڕگەکانی هەرێمی کوردستانەوە هەیە، یەکلایینەکراوەتەوە، هەروەها بابەتی بودجەی هەندێک وەزارەت و پارێزگاکان تەواو نەبووە، هەر لەبەر ئەو هۆکارانە دانیشتنەکە دواخراوە.
سەرچاوەکە ڕاشیگەیاند، دواخستنەکە بۆ ئەوەیە کات بدرێت بە هێزە سیاسییەکان بۆ ئەوەی لە کاتژمێرەکانی داهاتوودا ڕێکبکەون و کۆتایی بە سەرجەم ناکۆکییەکان لەو بارەوە بهێنن.
سەرچاوەکە ڕوونیشیکردەوە، لە ئەگەری نەگەیشتنی لایەنە سیاسییەکان هیچ ڕێککەوتنێک سەبارەت بە بڕگەکانی یاسای بودجە، دانیشتنی دەنگدان بۆ ڕۆژی شەممەی داهاتوو ڕێکەوتی #10-06-2023# دوادەخرێت.
جەختیشی لەوە کردەوە، کۆدەنگی هەیە بۆ تێپەڕاندنی بودجە بەپێی کۆدەنگی سیاسی و ئێستا کار لەسەر ئەوە دەکرێت لایەنەکان لەسەر سەرجەم بڕگەکان ڕێککەوتن بکەن. [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 458 gånger
Skriv din kommentar om den här artikeln !