ناونیشانی بابەت: بەڕێوەبەری شوێنەوارەکانی ئاکرێ داوا لە هاووڵاتییان دەکات خانووەکانیان ڕەنگ نەکەن.
بەڕێوەبەری شوێنەوارەکانی شارۆچکەی #ئاکرێ# داوا لە هاووڵاتییان دەکات خانووەکانیان ڕەنگ نەکەن، چونکە لەگەڵ بیناسازیی کەوناری شارەکە ناگونجێت.
ھیوا شەماڵ، بەڕێوەبەری شوێنەوارەکانی شارۆچکەی ئاکرێ، بە (باسنیوز)ی ڕاگەیاند: بەشێک لە خەڵک خانووەکانی خۆیان ڕەنگ دەکەن، ئەو ڕەنگە لەگەڵ سیمای کەوناری شارەکە ناگونجێت، لەبەر ئەوە داوا لە خەڵکی خۆمان دەکەین بەبێ ڕەزامەندی، دەستکاریی بیناسازیی کەوناری ئاکرێ نەکەن و پێویستە هەموو خانووە کولتوورییەکانی ئاکرێ بپارێزرێن. بۆیە هەر کەسێک مەبەستی بێت خانووەکەی خۆی ڕەنگ بکات پێویستە سەردانی بەڕێوەبەرایەتیی شوێنەوار و شارەوانیی ئاکرێ بکات و بەپێی مەرج و ڕێنوێنییەکان کار بکات بۆ ئەوەی بگونجێت لەگەڵ بیناسازیی کەوناری ئاکرێ.
ئاشکرایشی کرد: بەپێی یاسای شوێنەوارەکان، ڕێگە نادرێت خانووە کەونارەکان ڕەنگ بکرێن و پێویستە بەپێی شێوازە کۆنەکەیان نۆژەن بکرێنەوە و دەبێ ئەو ڕەنگەی بەکار دێت لەگەڵ شێوازە کۆنەکە بگونجێت.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 462 gånger
Skriv din kommentar om den här artikeln !