ژ ئەدەبێ دینێ ئێزدیان:

ئەز چۆمە دیوانا ئیلاهی
من لوێ دیتن خۆشی و شاهی
سەرێ هەموویێ تفاق و تەباهی.

ئەڤ سەبەقە تێتە شرۆڤەکرن ب دوو رەنگا و هەر دوو دورستن و ئێک هەکە تە گۆت: ئەز چۆمە دیوانا ئێلاهی و یا دوویێ هەکە تە گۆت: ئەز برمە دیوانا ئیلاهی.
1- ژئەدەبێ دینێ ئێزدیان دەتە دیارکرن و دبێژت:

ئەز برمە دیوانا ئیلاهی
من لوێ دیتن خۆشی و شاهی
سەرێ هەموویێ تفاق و تەباهی .

رامان ژ ڤێ سەبەقێ هەکە ئێک بێتە داخوازکرن بۆ جڤاتەکێ یان هەر خێرخوازیەکێ و لوێ جڤاتێ بتە خێر و هەموو ب رایەکێ ئێک و دوو قەبولکەن دێ بێژنێ تفاق و خودێ هەڤالێ تفاقێ یە و خودێ تەعالە دێ دوعایێ ل خێر و خلمەتێن وانکەت و ئەڤەیە ئەو کەس ل دیوانا ئیلاهی گەهشتنا تفاقێ و خێر و خۆشی دێ بەر و وان ڤە هێت.

2- سەبەقا دوویێ دبێژت:
ئەز چۆمە دیوانا ئیلاهی
من لوێ تیتن خۆشی و شاهی
سەرێ هەموویێ تفاق و تەباهی .

رامان ژ ڤێ سەبەقێ هەکە ئێک چۆ باژێرەکی رێک و پێک ژ ئالێ ئەندازیاریڤە و ژئالیێ بازاری و هەم تەنایی و ئارامی و سوستەمەی سەرکەفتی دڤێت تو وەکا وی سوستەمی دگەل وان دا ئی هاریکار بی بۆ هەموو رەوشت و ئارامی و رنایا وی باژێری، هەکە تە ئەڤە کر و دگەل پێشکەفتنا وی خەلکی وێ شارستانیەتێ بی هنگی باش بزانە تو وێ چۆیە دیوانا ئیلاهی ، ئەڤ سوستەمێن باش و پێشکەفتی بۆ هەموو وەلات و شارستانیەتان خودێ دوعا یا لێکری و ئاڤاکری و هەر کەسێ دگەل دابت ئەو وێ ل دیوانا ئیلاهی.

سەبەقەک ژ قەولێ مشتاقێ سێ بۆرم دبێژت:
هەسەد بژی تێر بژی
هنجیێ دلێ وی ژ رەحما خودێ دبوو تژی
ئەو دل مالا خودێیە ب دەستێ خۆ بخۆ نژی.

هەر وەسا ژ قەولێ پەدشایی دبێژت:
پەدشایێ من نوورە
ئەو ژ مە نەی دوورە
ئی عالمە ب عەرد و عەزمان و بەحرێت کوورە.

رامان ژێ هەر کەسێ باش دلێ وی مالا خودێیە و هەر دەرا هەرتێ و تفاق و تەباهی لێ هەبت ئەو دیوانا ئیلاهی یە و هەر وەسا دەتە دیار کرن خودێ ب هەموویێ ئاگایە و سەرێ سەران هەر خودێیە و یێ هاژی خودێ هەبت ئەو وێ ل دیوانا ئیلاهی و ئیلاﮪ خودێ یە .
و هەر کەسێ هەڤالێ خێرێ و خێر خوازیێ و دلێ خۆ بۆ راستیێ ڤەکربیت و و ل رێیا خودێ هەرت ئەو خودێ ناسە و ئەو وێ ل دیونا ئیلاهی.
پیر خەلات ئەلیاس. [1]