لەخۆ بەشکان گوێ بەلن
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (لەخۆبەشکان گوێ بەلن) ، لە #کۆیە# دەوترێت: مشکە لە خۆی بەشکە، ئەوانەی کارێکی نابەجێ ئەنجام دەدەن هەمیشە گوێ قوڵاغن و گوێیان هەڵدەخەن بزانن کەس باسی ئەو کارەی ناکات، یان دەیانەوێت بزانن بە سەر کێ ساغ دەبێتەوە، ئایا هیچ شوێنەوار و بەڵگەیەکیان لێ بەجێ نەماوه؟ ئەمەش واتە: سەد دەر سەد (شک) ەکە، گومانەکە لەسەر خۆیانه، گوێ بەل: ئەو گوێیانەی کە لوول و قیتن بەلیان پێ دەوترێت، زیاتر بۆ ئاژەڵی وەکوو بزن و گیسک و کاریلە بەکاردەهێنرێت نەوەکوو بۆ مرۆڤ، مشکیش هەرچەندە گوێی بچووکە بەڵام بەل و قیتە هاوشێوەی بزنەکان بۆیە لێکچوون لەنێوان گوێ قیتی و هەڵخستنی گومان لەسەرەکان و گوێی مشک و بزنەکاندا ئەو ئیدیۆمە جوانەی درووستکردووە و لە خۆشناوەتیدا وتراوە: لە خۆ بەشکان گوێ بەلن.[1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 265 gånger