دوگماتیزم Dogmatisme چېشەن؟
واچۍ (دوگما) ی ماناو ( مدرا) ی مەگېرۊوە، ئا هەرمانۍ کە هەرگیز نمەبۊ فاڕیۊن، پا شېوازو ویرۆکەردەی ماچان کە سەرو بنەماو نەفاڕیای مەرزیابۊرە، پېسە یاسا و دەستوورە ئایینیەکا کە پەی گرڎ سەردەم و هەل و مەرجێ پېسە وېشان مەناوەو جاگیرېنۍ.
دوگماتیزم چېرو سەرنجێوە فەلسەفینە مدرای وەقیعیەن، یانی واقیع هیچ پېوەسیێش بە هەل و مەرجی و سەردەمېوە نېیەن، گردو سەردەمەکانە پېسەنە وېش، فاڕای واقیعو ژیوای، واقیعی سېیاسی، ئابووری، فەرهەنگی، فەلسەفی، ..هتد) چەنی دوگماتیزمی یۊ نمەگېراوە.
دوگماتیزم دژو دیالەکتیکیەن، کە جم و جوڵو دنیێ و گەشەکەردەی بەرکوتەکا ڕەڎ مەکەرۊوە.
پېسە پەیدیا تاریخیەکەیش، دوگماتیزم چەنی پېڎابېیەی ئایینەکا جە ئەڎێ بېیەن، ئی جۊرە ویرۆکەردەیە دماجار بی بە فەلسەفە و زانست و سېیاسەت.
دوگماتیکەکۍ باوەڕشان بە فاڕیای و گەشەکەردەی نېیەن، پەنا مەبەران وەردەمو یاسا گرساکا، چڼەها نامۍ و ناتورۍ مەوزانە پاڵو یاسا گردینەکا دیالەکتیکی، پېچەوانەو ڕېکۋزیا شوڕشگېڕیەکا کە مۊچیاری ئەندامەکاشان مەکەران دوورۍ بگاوە جە ڕەفتە دوگماکا.[1]