ناونیشانی بابەت: لە گردپارکى کەلار شوێنەوارێکى گرنگ دەدۆزرێتەوە
ئامادەکردنی: #هەڵمەت بتوێنی#
لە سەنتەرى شارۆچکەى #کەلار#ى ئیدارەى گەرمیان، شوێنەوارێکى مێژوویى دۆزرایەوە، کە مێژووەکەى بۆ سەرەتاى زایین دەگەڕێتەوە.
محەمەد شوێنەوارناس، گوتەبێژى شوێنەوارى گەرمیان، بە (باسکورد) ى ڕاگەیاند: بەپێى بڕیار و ڕێنماییەکان، هەر پڕۆژەیەک لەناو شاردا جێبەجێ بکرێت، پێویستە پێشووتر کارى کنە و پشکنینى بۆ بکرێت و شتەکانى بگوزارێتەوە مۆزەخانە و ئەوجا بدرێتە دەست کۆمپانیای جێبەجێکار، بۆیە پێش ئەوەى پڕۆژەیەک لە گردپارکى کەلار جێبەجێ بکرێت، ئێمە کارى کنە و پشکنینمان بۆى کرد.
وتیشى: دواى 45 ڕۆژ کارکردن لە شوێنەوارەکە، ڕووفاتى پیاوێک و دوو ژن و سێ منداڵ و نموونەى ئێسکى دەیان ئاژەڵى ماڵى و کێوى و تۆوى ڕووەکى و چەند کەلوپەل و پاشماوەیەکى ژیان دۆزرانەوە.
باسى لەوەش کرد: هەرچەندە مێژووى شوێنەوارەکە بەپێی لێکۆڵینەوە سەرەتاییەکان بۆ سەدەکانى سەرەتاى ساڵى زایین دەگەڕێتەوە، بەڵام لێکۆڵینەوەى زیاتر بەردەوامە و لەوەش دەکۆڵینەوە، تاوەکوو بزانین خواردنى سەرەکیى ئەو مرۆڤانەى ئەوکات چى و چۆن بووە.[1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 372 gånger
Skriv din kommentar om den här artikeln !