پشتی 9 سالان ژ کارەساتا شنگالێ، مخابن برینێن شنگالێ نەهاتنە دەرمانکرن و ئێش و ئازار و کۆچبەربوونا خوشک و برایێن ئێزیدی هەر بەردەوامە.
ڕێکەفتنا د ناڤبەرا حکوومەتا هەرێما کوردستانێ و حکوومەتا ئیراقێ دە ل سەر ئاساییکرنا رەوشا شنگالێ و ڤەگەرا کۆچبەران، باشترین چارەسەرییە ژ بۆ بداویکرنا ئێش و ئازارێن خەلکێ شنگالێ. لێ پرسیار ئەوە کو چما حکوومەتا ئیراقێ نەکاریە رێکەفتنا ئاساییکرنا رەوشا شنگالێ جیبجی بکە و هەتا کەنگێ دێ حکوومەتا ئیراقێ رێ بدە وان هێز و ئالیان کو رێ ل جیبجیکرنا رێکەفتنا شنگالێ بگرن؟
د ڤێ بیرانینێ دە، گەلێ کوردستانێ چاڤەرێیە جڤاکا ناڤدەولەتی و وەلاتێن دن، وەک ئالمانیا و بریتانیا، جینۆسایدا ئێزدییان ژ ئالیێ داعشێ ڤە ب فەرمی ناس بکن، هەر وها کیمیاباران، ئەنفال و هەموو تاوانێن دن یێن ل سەر گەلێ کورد هاتنە کرن، ب فەرمی وەکە جینۆساید ناس بکن.
د نەهەمین سالڤەگەرا کارەساتا شنگالێ دە، سلاڤێ ل گیانێ شەهید و قوربانیێن ڤێ تاوانێ دکن و رۆلا هێزێن پێشمەرگەیێن کوردستانێ بلند دنرخینن کو دیرۆک و قەهرەمانی تۆمار کرنە و خوینا خوە ژ بۆ ئازادکرنا چیایێ شنگالێ و شنگالێ بەخشی و تۆلا وان ژ تەرۆریستێن داعشێ هلدا.[1]
مەسعوود بارزانی
3ێ تەباخا 2023
Denna post har skrivits in (کرمانجی - کوردیی سەروو) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 396 gånger
Skriv din kommentar om den här artikeln !