جیۆمۆرفۆلۆجیای کرداری واتە بەکارهێنانی دیاردە و ڕوخسارە جوگرافیەکان بۆ پڕۆژە و دامەزاوەکان و پڕۆسەی ئاوەدانی و شارستانییەت، یان چۆنییەتی سوودوەرگرتن لە دیارده و ڕوخسارەکانی ڕوی زەوی بۆ چالاکی و بەرژەوەندیە جۆراوجۆرەکانی مرۆڤ.
- بابەتی جیۆمۆرفۆلۆجیا وەک یەکێک لە بابەتە سەرەکییەکانی زانستی جوگرافیا و جیۆلۆجیا هاتۆتە ناو پڕۆگرامی زانکۆکانەوە و دەخوێنرێت و پەیوەندی هەیە بە بوارەکان (پلانسازی شار، کشتوکاڵ، ئەندازیاری).
=KTML_Bold=پەرتووکەکە پێکهاتووە لە هەشت بەشی سەرەکی=KTML_End=
- لە بەشی یەکەمدا تیشک خراوەتە سەر ناساندنی زانستی جیۆمۆرفۆلۆجیا و جیۆمۆرفۆلۆجیای پراکتیکی و پاشان پشکنینی شوێنی بۆنهەر ناوچەیەکی لێکۆڵینەوە.
- بەشی دووەم تایبەت کراوە بۆ پێکهاتەکانی سەر ڕووی زەوی و ژێر ڕووی زەوی و سەرجەم تایبەتمەندییەکانی بەرد و خاک.
-بەشی سێیەم بریتییە لە باسکردنی بابەتەکانی لێژی و جۆرەکانی لێژی و ئەو کێشە و گرفتانەی بەهۆی لێژی خاکەوە دێنە پێش پڕۆژەکان.
- بەشی چوارەم باس لە ڕاماڵین و هۆکارەکانی درووستبوونی و مەترسییەکانی دەکات.
-بەشی پێنجەم باس لە هایدرۆمۆرفۆمەتری ڕووبارەکان دەکات.
- بەشی شەشەم باس لە پڕۆژە ئەندازیارییەکان کراوە کە پشت بە زانیارییە جیۆمۆرفییەکان دەبەستن.
- بەشی حەوتەم باس لە گرنگی ئەم زانیاریانە دەکات بۆ پلانی پڕۆژە ئاودێری و کشتوکاڵییەکان.
- لە بەشی کۆتای ڕۆڵی جیۆمۆرفۆلۆجیا لە گەڕان بەدوای دەرامەتە سرووشتییەکان و بواری سەربازی خراوەتە بەر باس. [1]