ئېشەو کوڕو سەیاڎی ئینا کەشۆ

ئېشەو دوولان و چل و پەنج و زمسانین، کوڕو سەیاڎی ئینا کەشۆ، هەر وېرەگا ئەڎاو تاتەش ورکە نمازۊ وەنەوزێ کەرا، دێرێ پیاکە ماچۊ بە ژەنەکێ: ژەنەکێ دوێ نانێ بارە ساوە پا ساجیرەو چەنی کوچێ پێخۆری، ژەنۍ ملۆ نانۍ مارۆ ملۆ سەرو خیگەکەی هەرچن کەرۊ خیگە بەستەنشوو هەر چوار هەنگڵ بېیەن بە تەختە، ژەنۍ مێوە یانەو ماچۊ پیاکە خیگەکە بەستەنشو هیچ ڕوەنێم پەی بەرنمێ با کەشکی باروو فیسنونەو پەیت سوورێ کەرۇوە، پیایچ وەختێ کە زانۆ خیگەکە بەستەنش ماچۊ بە ژەنەکێ: برسم بەسیانو هیچم پەنە مەوریۊ، ئا شەوە چەنی شەوگاری تەپە تلانیشانە تاکو ڕۊ بۊوە، ژەنێ ملۆ سبحانە بارۆ دیسان ملۊوە سەرو خیگەی مییۆ خیگە وەرش دانوو پەڕوو جامۆڵێ ڕوەن بە دۊشاو مارۆ کە پیا ئینەی وینۆ وەشیێنە ئیمان و شایەتێ مارۆنەو ماچۊ ئۆخەی ئەر ئېشەو ڕەق نەبیەبۆ ئتر هیچش سەر نمێ، دماو ئانەی هەرمان و کارو یانەی کەرا ئاڼەش پەنە مەشۆ کوڕە مێوە، دمای خێرامایێ گەرمی پەرسا ئېشەو چەنی ڕەق نەبېیەنیوە؟ ئاڎییچ ماچۊ هەر وېرەگا زانام سەربەڼەنێ دانشا پێوەرەو دەمەو بۊران کەرۊ ژێڵەو ئاویرەکەی کوشېیاوە، دێڵێ چا بۍ نیشتانیش پۆ تاکو سەعبێ ئیسەرو ئەو سەرو مەڕەکێم کەرد نیم بە لوای ڕانەی نیم بە هەنگڵە شەلێ، ئە پی نۆعە ڕۊم کەردۆ ئە پینەیە ماچا دوولای زمسانی ئیتر فەسل مڎۆ پەنەو سەرداو سڵەوە مەمەنۆنەو تاکو چلێچ تەمامیۆ ماچاش پەنە دیل مەرەخەس ئتر زمسان مازیش مەڕیۊ.
عەفان دەرەمەڕی.[1]