جگەر بەهۆی ئەوەی دووەم گەورەترین ئەندامی لەشە، ئەرکی پاککردنەوەی خوێنە لە ماددە ژەهراوییەکان کە لە سیرەمدا کۆدەبێتەوە، هاوکات جگەر یارمەتیی هۆرمۆنەکان دەدات و ئاستی شەکر لە جەستە ڕێک دەخات، پێویستی بەوە هەیە پارێزگاری لێبکرێت لە ڕێگەی سیستمی خۆراکییەوە.

=KTML_Bold=چەند جۆرێکی خواردنەوە هەیە یارمەتیدەرن بۆ خاوێنبوونەوەی جگەر، دەتوانیت گرنگییان پێبدەیت.=KTML_End=
=KTML_Bold=1. شۆفان=KTML_End=
دەوڵەمەندە بە ڕیشاڵ، ماددە کانزاییەکان و ڤیتامینی تێدایە، جگەر خاوێندەکاتەوە و کەڵک بە کرداری هەرس دەگەیەنێت، ژەهر لە جەستەدا کەمدەکاتەوە، دەتوانیت شۆفانەکە لەناو ئاوی کوڵاو دابنێیت، بۆ ماوەی 2-3 کاتژمێر جێبهێڵیت بخوسێت، پاشان شۆفانەکە بپاڵێویت، لەگەڵ یەک کەوچک دارچین و ئاو تێکەڵی بکەیت و بیخۆیتەوە.
=KTML_Bold=2. چای بەیبوون=KTML_End=
چای گوڵەبەیبوون دژە ئۆکسانێکی بەهێزە و فشاری دەروونی کەمدەکاتەوە، کاریگەریی هەیە لە ڕێکخستنەوەی سیستمی خەو، هەوکردنی دەمارەکان کەمدەکاتەوە، بۆ شێوازی درووستکردنی، دەتوانیت یەک کوپ ئاوی کوڵاو، لەگەڵ یەک کەوچک گوڵە بەیبوون تێکەڵ بکەیت و سەری داپۆشیت بۆ ماوەی 10 خولەک، پێویستە هەموو ڕۆژێک بیخۆیتەوە، بەلایەنی کەم بۆ ماوەی 2 هەفتە بەردەوام بیت بۆ ئەوەی ئەنجامێکی باشی هەبێت.
=KTML_Bold=3. زەنجەفیل و لیمۆ=KTML_End=
دژە هەوکردن و دژە ئۆکسانە، جەستە لە ژەهر خاوێندەکاتەوە، ڕۆڵی هەیە لە کەمکردنەوەی کێشی جەستە و غازات کەمدەکاتەوە، هەندێک زەنجەفیل بکەرە ناو ئاوی کوڵاو، ئاوی نیو لیمۆی بۆ زیاد بکە، بۆ ماوەی 15 خولەک جێی بهێڵە، پاشان بیخۆرەوە.
=KTML_Bold=4. شەربەتی چەوەندەر=KTML_End=
دژە ئۆکسانە و فۆلسیک ئەسیدی تێدایە، لەگەڵ مەگنسیۆم، پۆتاسیۆم، ڤیتامین A و C، ژەهری جەستە فڕێدەداتە دەرەوە، دەتوانیت شلیکی تێبکەیت بۆ ئەوەی زیاتر سوودبەخش بێت. [1]