#ئێستا کچێک نیشتمانمە#
بەیانیتان باش!
من ناوم دیوارە
کەوتوومەتە سەر شەقامێکی گشتی
بە درێژایی بێزاریی درێژم و
بە بەرزی تووڕەبوونیش بەرز!
هەرچی دروشمەکانە بە مندا هەڵئەواسرێن
هەرچی پۆستەرەکانە لە من ئەدرێن
لە سەد دروشم یەکێکیانی تیا نییە
شتێکم فێربکات!
لە سەد پۆستەر یەکێکی تیا نییە
دڵم خۆشکات!
هەر دوێنێ بوو
لە سەرمەوە تا کەڵەموستی پێم
دروشمێکیان پیا هەڵواسیم
کە خوێندمەوە
شەرم تەریقی کردمەوە
من دیواری وڵاتێ بم
درۆی کەتە و گەورەی وەهای
پیا هەڵواسرێ!
#شێرکۆ بێکەس#. [1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە.
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 195 gånger
Skriv din kommentar om den här artikeln !