ئەی ئەو خەمەی چەندین ساڵە لێت ئەخۆم و تەواو نابیت
پیرت کردووم..
لەنێوانی مان و مەرگدا
گیرت کردووم..
من زۆر ڕقم لە پیری بوو
لەبێدەنگی و تەنهایی و گۆشەگیریبوو
هەموت پێدام
جگە لە خۆت
تەمەنێکە بیرت ئەکەم
خەفەت ئەخۆم
ئەسوتێم بۆت...
ئاخۆ ئێستا
شیرینیەکەی ئەوسات مابێ ...!!!؟
هێشتا جوانی؟؟؟
ئێستا تەنهایت
یاخود دوانی؟؟
ئااای لە تۆ..
تەنها خەمی
لێت تێرنابم
تەنها ڕقیت
خۆشم ئەوێی ...
تەنها یادیت
لە بیر ناچیت
یەکەم بۆنو
تازەو کۆنو
ئاخر ماچیت..
ئێستاش بەیادی جارانی
'شەوشاد گیانم'
هەتا دوا وێستگەی تەمەنم
بۆ ڕۆژباشێ
چاوەڕوانم
ناوی نووسەر: #بەڵێن سەنگاوی# [1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 92 gånger