ناڤ: دنحە توما یوسف
جهێ ژدایکبوونێ: گوندێ هەرمۆتە یێ سەر ب باژێڕوکێ #کۆیە#
ڕێکەفتا ژدایک بوونێ: #27-01-1972#
رێکەفتا وەغەرا دایی: #11-01-2020#
جهێ وەغەرا داویی: #هەڤلێر#
$ژیاننامە$
ناڤی وی یێ تمامی (دنحە توما یوسف)ە و ل ڕێکەفتا 27-01-1972 و ل گوندێ هەرمۆتە یێ سەر ب باژێڕوکێ کۆیە ژدایک بوویە، قوناغێن سەرەتایی و ناڤەندی یێن خوەندنا خوە ل گوندێ هەرمۆتە بوویە و ژبو قوناغا ئامادەیی بەرەف کۆیە هاتییە و ل خوەندنگەها ئامادەییا کۆیە یا کوڕان بوویە ، پشتڕە ل پەیمانگەها تەکنیکی یا #موسڵ# و ل پشکا کارگێڕی یاسا هاتییە وەرگرتن، پشتی ڕاپەڕینا بوهارا ساڵا 1991 یا باشوور و گەلێن ئێراق و کوردستان، ل دوماهیک قوناغا خوەندنێ ژبو تمام کرنا خوەندنا خوە ڤەدگەڕت بەرەف باژێڕێ #هەولێر# .
بو درێژەدان ب خوەندنا خوە ل پلەیێن بەرزتر ساڵا (1996) ل کۆلیژا بابل ژبو فەلسەفە و لاهوت ل باژێڕێ بەغدا هاتییە وەرگرتن، پشتی شەش ساڵان ژ خوەندنێ ل #02-07-2004# دبیتە قەشە و هەر ل هەمان ساڵێدە دبیتە قەشەیێ هەر سێ جهێن کۆیە و هەرمۆتە و #سلێمانی#. ل ساڵا (2012) ب مەرەما درێژە دان ب خوەندنا خوە بەرێ خوە دکەتە وڵاتێ (لوبنان) و لوێرێ هاریکارییا ئاوارەیێن موسڵ و دەردۆرێ وێ دکەن کوو ب ئەگەرا هاتنا تەرۆرستن دەولەتا ئیسلامی یێن بەرنیاس ب داعشێ دەربدەر ببوون، ساڵا (2016) ڤەدگەڕت ژبۆ باشوورێ کوردستان و ماوێ یەک ساڵ ل کەنیسەیا (مارگورگیس) یا ناحیا عەنکاوە خزمەتێ ب ئایین و پێڕەوێن مەسیحییەتێ دکەت. ساڵا (2017) ڤەدگەڕت ژبو کۆیە و گوندێ هەرمۆتە ، خوەدیێ یەک پەرتووکێ یە بناڤێ (ولدت مع حبک یا الله) ، قەشە دنحە کەسایەتییەکێ جڤاکی و مرۆڤ دۆستی بوو، ل ڕوژا سێشەممێ و ل ڕێکەفتا 11-01-2020 ب ڕیدانەکە هاتن و چوونێ یا دناڤبەرا گوندێ کێلەسپی و تۆبزاوایا دناڤبەرا ڕییا کۆیە -هەولێر وەغەرا داویێ کر و ل کەنیسەیا (مەریەم عەزرا) یا گوندێ هەرمۆتە هاتە بخاک سپاردن .[1]
Denna post har skrivits in (کرمانجی) språk, klicka på ikonen
för att öppna objektet på originalspråket!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 236 gånger
Skriv din kommentar om den här artikeln !