نوێنەری #حکومەتی هەرێمی کوردستان# لە لیژنەی ماددەی 140 دەڵێت: ئەوانەی داوا لە خێزانە کوردەکان دەکەن خانووەکانی ھەردوو گەڕەکی نەورۆز و عەرەفە چۆڵ بکەن با بچن ئەو زیادەڕۆیانە لابدەن لە دوای #16-10-2017# درووستکراون.
#دژوار فایەق#، نوێنەری حکوومەتی ھەرێمی کوردستان لە لیژنەی ماددەی 140، بۆ ماڵپەڕی فەرمیی پارتی دیموکراتی کوردستان وتی: ئەوانەی داوای چۆڵکردنی ئەو خانوانە دەکەن لە خێزانە کوردەکان، کە لە 2003ەوە تێدا دەژین لە گەڕەکی نەورۆز و عەرەفە بە بیانووی ئەوەی موڵکی حکوومەتی ئێراقە، باشتر وایە بڕۆن ئەو تەجاوزاتانە لاببەن لە دوای 16 ئۆکتۆبەری 2017 لە #کەرکووک# و شارەکانی تری کوردستان لە سنووری ماددەی 140 درووستکراون.
دژوار فایەق وتیشی: پێویستە حکوومەتی ئێراقی و سوپاکەی ئەو تەجاوزاتانە لابدەن لەسەر موڵکی دەوڵەت کراون لە #بەغدا# و شارەکانی تری ئێراق ئەوجا بێن باسی عەرەفە و گەڕەکی نەورۆز لە کەرکووک بکەن، بۆیە داوا دەکەم لە خێزانە کوردەکان لە کەرکووک و شارەکانی سنووری ماددەی 140 با بچن داوای مافەکانی خۆیان بکەن لە حکوومەتی ئێراقی، چونکە کۆمپانیای نەوت و گاز و سەربازگەکانی ڕژێم لەسەر خاکیی ئەوان درووستکراون، ئەگەر قەرەبووش کرابن قەرەبوویەکی کەم کراون، دڵنیام زۆربەی ھەرە زۆریان ھەر قەرەبوو نەکراون. [1]
Denna post har skrivits in (کوردیی ناوەڕاست - Central Kurdish) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 164 gånger
Skriv din kommentar om den här artikeln !