شېخ ئەحمەڎو بارزانی و یاردیدای حکومەتەکەو شېخ مەحمووڎی
ساڵەو (1919 ز) شېخ مەحموڎ پەی بەدەسئاوەردەی مافو گەلو کوردی شۆڕشش وەرپاکەرد، هەر ئەچاگۆ دۆڵەتی کوردیش مەرزنارەو ئەشناساش. شېخ ئەحمەڎو بارزانی بە نامێوە گردو هۊز و خېڵەکېش هاگاڎارۍ کەردێ پەی یاردیدای شۆڕشەکەو شېخ مەحمووڎی، هەر میانو ئا گېیانە نیشتیمانیەینە هېزێ گۆرەش بە سەرداری مستەفا بارزانی ڕەوانەو سلێمانی کەرد.
مستەفا بارزانی دوۍ قۊڵېوە هېزەکەش دابەش کەردو ڕوەو سلێمانی جووڵنێش، دمای ئانەی ڕانە توشوو چڼین ڕاگیراو کەمینا ئامێ، بەڵام هېزەکەشا یاوا سلێمانی، چەنی ئانەیچە هۆڵەکېشان بۍ ئاکامۍ مەنێ، چوونکوم ئینگلیزەکۍ بە تۊپۍ و تەیارۍ بۊمباۋارانو دۆڵەتەکەو شېخ مەحمووڎیشا کەردو تېکشادا، شېخ مەحمووڎیچ بە زامڎاری دلۍ دەربەڼو بازیانی دیل کریاو بە قۊڵ بەسیایی کیاستشا پەی هیندستانی، دماتەر چېرو فشارو خەڵکینە ناچارۍ بیۍ شېخی گېڵناوە پەی سلێمانی.[1]
Denna post har skrivits in (هەورامی) språk, klicka på ikonen
för att öppna objektet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Denna post har tittat 195 gånger
Skriv din kommentar om den här artikeln !