$کومەڵگەها بۆڕەک$
ئەڤ کومەڵگەهە دکەڤیتە باکوورێ باژێڕۆکێ شنگال، ئاکنجیێن ڤێ کومەڵگەهێ هەموو ئێزدینە. چەندین جهێن پیرۆزێ ئاینێ ئێزدیان دکەڤنە کومەڵگەها بۆڕەک و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها بۆڕەک لدیف ئامارێن بەری هاتنا داعش بۆ #شنگال#ێ ل ساڵا 2010 نێزیکی ( 12،000) دوازده هەزار کەسان بووینە کوو ل دەمێ هاتنا داعش بۆ شنگال ب سەدەهان کەس ژ کومەڵگەها بۆڕەک هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی، هەروەسا گەلەک خێزان ئاوەری باژێڕێن #دهۆک# و #زاخۆ# و #سلێمانی# بوینە و کۆچکرینە بۆ وەڵاتێن ئەوروپی. (40) چل کەس ژ کومەڵگەها بۆڕەک بووینە قوربانی دەستێ دەولەتا ئیسلامی یا ب ناڤێ داعش، کۆمەڵا وان کەسێن بوینە قوربانیێ دەستێ داعشێ 31 زەلام بوون و 9 ژن بوون، 23 زەلام و 3 ژن هاتن ئەنفالکرن، 7 زەلام و 5 ژن هاتە بێسەر و شوێن کرن، 1 زەلام و 1 ژن هاتن ڕزگار کرن ژ دەستێ تەرۆرستێن داعش، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها بۆڕەک گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ بەلێ ب شێوەکی تایبەت ئاڤ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
Denna post har skrivits in (کرمانجی - Upper Kurdish (Arami)) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Denna post har tittat 137 gånger
Skriv din kommentar om den här artikeln !