کۊچی دمایینو کاک جەمیلی
ئارو خەبەرو وەفاتو کاک جەمیل ھۆرامی ھونەەمەندیم یاوا لا، ھەرچن ھیچ کەس دەسەڵاتو مەرگیش نیاو و عومر تەنھا بەدەسو خوای پەروەردگاریا، بەڵام ئا دەنگە کە ھەرگیز وەرو چەمانەو دلی گوشامانە گم مەبوو، خەمو پەژاریوی فەوقەلعادەش دا بە ھەواداراش و دوسو ئەحبابیش.
کاک جەمیل یۊ بی جە پایە ئەساسیەکاو دنیاو سیاوچەمانەی و ئیمپراتورو ھونەرو گورانی ھۆرامی کە تاواش بناغەو مەدرەسەو سیاوچەمانەی بنیورە. کە ھەرکەس گەرەکش بوو دراسەو نەغمەو، سەداو سیاوچەمانەی دراسە کەرۊ، مشوم بە وردی گوش جە گڵوە (قوڕقوڕاگی) کاک جەمیلی گیرو، تاکو بزانو چ ئاستیوەنە بېیەن ، مشوم سیاوچەمانە واچۍ تازۍ دەسنەبەرا پەی گورانیەکاو سیاو چەمانەی تاکو بە وردی نەفکریانە کاک جەمیل چ سەلېقێوش بەکار ئاردەن، چن بینیش پەی واردەنۆ، چن وە چکونە کەلیمەکا درېژ کەۊوە، وە چکونە بەرزونزمشا مڎۊ پەنە، تکا کەرو با سیاوچەمانەکا نەخرابنا، کاک جەمیل تەسەلوتش ملو ھەناسەیشەرەبی و تاوی سینەشەنە پەنگش پەنە وەروە، بەڵام تەماشەکەرو ئیسە ئی گورانیواچە تازی سیاوچەمانەیە قرمەقرمیو کەرا بە گڵویشا پەی ئینەیە نیشانە بڎا کە گڵوەو سیاوچەمانەیشا ھەنە، کە گوششا پەیگیری پیا مانیای مانیو .
ڕوحت شاد بوو ماموسا جەمیل و ماوات بەھەشت بوو. دەنگت ھەردەم زیڼەن دلیمانە.
هۆرامان عەبدولڕەحمان.[1]
Denna post har skrivits in (هەورامی) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Denna post har tittat 88 gånger
Skriv din kommentar om den här artikeln !