کورد دلۍ چەرخەکا تاریخینە
بەشۍ: سەڎ و چل و یەکەمە
نویستەی: #هاوڕێ باخەوان#
ساڵەو (1820ز):
* تاریخو (10-05-1820ز)ینە عوسمان بەگ براو میرو بابانی ملۊن پەی پېشوازی میستەر ڕیچی و مارۊش پەی شارو سلێمانی و چاگە بەراش پەی یانەو مەحمووڎ پاڎشاو بابانی و ئاڎییچ ملۊ پېوایشۆ، ڕیچ سەرنجەو ۋڕارەی و دماکۆتەیی شارو سلێمانیش دێنەو ئینەیچشە بە میری واتەن، ئاڎییچ واتەنش: کۍ یاگێ وەشەکەرۊوە گەر بزانۊ چەنەش نمەسەیۊوە، هاکا تورکەکۍ یام ئێرانییەکۍ دمای چن ڕوێ تەری وېرانش نمەکەراوە.
* تاریخو (12-05-1820ز)ینە میستەر ڕیچ ملۊنە پەی دلۍ گەرماوێ شارو سلێمانی و جە گەرماوەکا وەڵاتو شامی و ئەستەمبوڵی و قاهیرەی بە خاستەر زانێنە.
* تاریخو (01-06-1820ز)ینە داوڎ پاڎشا والی بەغڎای، حەسەن بەگی برا گولانەو میرو بابانیش داوە دەسو میری و چېرو چەمڎاری سەڎ پاسەوانە گورجیانە یاوناشاوە سلێمانی.
* تاریخو (06-07-1820ز)ینە عەبدوڵڵا پاڎشاو بابانی، مامۊ میرو بابانی بە فەرمانو میری گېریان، چوونکوم گەرەکشبیەن بە دزی میریۆ پېوەڼی بکەرۊن بە ئێرانیۆ و بلۊن پەی کرماشانی.[1]