دوایین نامە
دوایین نامەم
پەڵە هەورێکی دڵتەنگە
بە ئاخی دڵ ئاخنراوە!
وشەکانی
دڵۆپ دڵۆپ
بە خوێن، بە ئەسرین، نووسراوە!
کاتێ نامە هەورینەکەم دەکەیتەوە
ئاگات لێ بێ
سینگ و بەرۆکت تەڕ نەبێ
هەندێ وشەم
تینوون، تامەزرون، بەدفەڕن!
چمکی داوێنەکەت هەڵکە
نەکا وشەی خوێن سووری کا
ئاخر پۆلیس، ماوەیەکە
بۆ قاتڵی من دەگەڕێن!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 97 gånger
Skriv din kommentar om den här artikeln !