کورد دلۍ چەرخەکا تاریخینە
بەشۍ: سەڎ و شەسس و پەنجەمە
نویستەی: #هاوڕێ باخەوان#
ساڵەو (1846ز): چن تۊمارێ پېوەس پی ساڵېوە پەی ئېمە مەنېنێ:
* ئەچی ساڵۍ بە دماوە، هۊزەکۍ (مەمەکی، ئالامانلی، بادیکانلی، سیدانلی، بەلیی و جەبرانلی کۆتۍ ئەرەمەرزیای و نیشتەجایی بییەی، چوونکوم هامنەهەوارەکېشا تا ئۍ کەمتەرۍ بېنێ.
* ئەچی ساڵېنە مەلای جەباری شاعېر، لوان پەی ئەستەمبولی، پەی چارەو گرفتو میانو هۊزو جەباری و هەمەوەڼی.
* مەحموڎ پاڎشاو جافی ئەچی ساڵېنە ئامان دنیا، نامبریا شاعېر بییەن.
* عەبدول ڕەزاق بەدرخان جە شارو ئەستەمبوڵی ئەچی ساڵېنە ئامان دنیا.
* ئەچی ساڵېنە، میرنشینو بەدلیسی بە دەسو عوسمانییەکا ۋڕان، کە دمایین میرش (شەرەف بەگ) بییەن.
* ئەچی ساڵېنە شېخ سەعید شېخ موحەمەڎو دۆڵاشی ئامان دنیا، نامبریا شاعېر بییەن.
* مانگەو (6) ئی ساڵېنە، دۋۍ میسیۆنێرۍ ئەمریکیۍ بە نامەکا (ڕایس و بریس) لوێنۍ پەی لاو میر بەدرخانی، کە نزیکەو ویس و یەرۍ ڕۋا دلۍ کوردەسانینە جە ناوچەو دێرگووڵێ مەنېنێ.[1]