شوڕتەی لا خەبەر
نووسینی: #شێرزاد شێخانی#
لەسارانی حەفتايەکان تەلەفزیۆن لۆ سەهرەی شەوان هەر ڕۆژە و بابەتێکی دادەنا. زۆربەی شەوان لە دوای سەعات 10ی شەو فلیمەکی کۆنی ڕەش و سپى سارانی چل و پەنجاکان بوو. شەوانی جومعەش عادەتەن مەسرەحیاتی عەرز دەکرد، وەکى مەسرەحياتى (عادل خەیری و ماری مونیب و فوئاد موهەندیس و شويکار، يان محەمەد عەوز و عەبدولمونعیم مەدبولى).. هەندەک شەوانيش تەمسیلیەی عەرەبى یەک شەویان زۆر ئیزعاج دەبووم و ئەعسابم تێکدەچوو کە سەهرەی شەوانی دوو شەمووان دەبووە مەقاماتی عێراقی. چونکی زۆر ڕکم لێاندەبوەوە، ئەوجا ئەو شەوە درێژەم بەناچاریەوە بەرادیۆ بەسەردەبرد.
ئێستا کە گەيشتمە ئەو تەمەنەوە خەریکە شێت و هار دەبم لۆ مەقاماتی عێراقی. ئەوەندە حەزم چوويتە سەريان دائيمەن لە يوتيوب دەگەڕێم لۆ (محەمەد قبانجى و نازم غەزالى و يوسف عومەر و فرقەى جالغى بەغدادى!) ئەو حاڵەتەشم بەچەند کەسەکی هاوتەمەنی خۆم گۆتییە، ئەوانیش عەینەن وەکی من ئێستا لەدوو ئەو مەقاماتانە دەگەڕێن!
ئەو زەمان بابەکانمان زۆریان حەز لەو مەقاماتانە دەکرد، ئەوەش دەلیلی ئەوەیە هەتا پیاو پیر بی حەنینی لۆ زەمانی کۆنە، لۆیە بابم بەرەحمەت بی کاتەکی گێی لە کاوێس ئاغا و گوبانجی و محەمەد عەبدولوەهاب دەگرت ئەمن پێی ئیزعاج دەبووم. هەرچەندە خۆشم هەر لەمندارییەوە حەزم لە ئوم کەلسوم بوو شەوانی پێنجەشممەى هەموو سەرە مانگەکی بە ديار ئیزاعەی (صوت العرب) دادەنیشتم و گێم لەتازەترین حەفلەکانی دەگرت، ئێستاش هەر عەشقی کەلسومم شەوان خەوم لێناکەوی ئەگەر گێی لێنەگرم.
لەو سەردەمانە لە ڕادیۆ و تەلەفزیۆندا مەجموعەیەکی کەم گۆرانیبێژی کوردی هەبوون وەکی (مامۆستا #تایەر تۆفیق#، #ڕەسوڵ بێزار گەردی#، عەبدوڵڵا دڵسۆز، #محەمەد عارف# و حەسەن جەزراوی، #عيسا بەروارى#، #گوڵبەهار#، #حەسەن زیرەک#، #ڕەفیق چالاک# و #حەمەساڵح دیلان#، #عەزیز شارۆخ#، #مشکۆ#، #محەمەد ئەحمەد ئەربيللى#، یونس خەتات، سامى قەلعالى و عەبدولواحید کورەچى و ئەکرەم دوزلى، جەلال حەردان، یونس مەحمود، #سەڵاح داودە#، حسێن عەلی، خەلیل موڕاد وەندی، هتد...، بەران کە مامۆستا #شەماڵ سائیب# و #هۆمەر دزەیی# لەسەرەتای حەفتايەکان بەدەر کەتن شۆڕشەکی گەورەیان ڕاگەياند، ئەمەی گەنجان لەدوی ئەو گۆرانییە تازانە دەگەڕاین، پەیدابوونی تیپی #سلێمانی# و دەرکەوتنی مامۆستا #کەریم کابان# و #قادر کابان# و #ئیبراهیم خەیات# و #عوسمان عەلی# و ئەسعەد قەرەداغی ، لە #هەولێر#یش #قادر زیرەک# و #عارەب عوسمان# ..هتد زۆر درمان پێیان خۆش دەبوون.
لەعەرەبییەکانیش لەسارانی شێستەکان (نازم غەزالی، ڕەزا عەلی، عەباس جەمیل، عەزیز عەلی مونولوجیست، عەبدولساحیب شراد، داخل حەسەن، جواد وادی، ئەحمەد خەلیل، حزیری ئەبوو عەزیز) لە ژنانیش (سلیمە مراد و زەکیە جورج و سدیقە ئەلملایە و لەمیعە تۆفیق و هەیفا حسێن و ئەحلام وەهبی و مائیدە نەزهەت و زهور حسێن و وەحیدە خەلیل ..هتد) گوێمان لێدەگرتن.
لەسارانی حەفتاکانیش لەناو گۆرانی عەرەبیشدا شۆڕشەکى تازەگەرى ڕویدا بە پەیدابوونی (حسێن نیعمە بە گۆرانی (یانجمە عوفی یا دادە) فازیل عەواد بە ( لاخبر لافیە لاحامض حلو لاشربت، إتنە إتنە) سەعدون جابر بەگۆرانی (أفیش بروجن حنیە و یاطیور الطایرە مری بهلی) ئەو گۆرانیانە ڕۆژانە لە هەموو ئەنحای هەولێر لە چایخانە و محلاتی تەسجیلات حەشریان دەکرد، لەتەلەفزیۆنیش هەموو ڕۆژەکی دووبارە دەکرانەوە مەگەر ڕۆژەکی ئینقلابەک ببایە و ڕادیۆ و تەلەفزیۆن بەس نەشیدی وەتەنی (الله أکبر فوق کید المعتدی) یان لێبدابایە.
ئەوجا با شتەکتان لۆ بگێڕمەوە، لەو ساری کە گۆرانی (لا خبر) دونیای هەژاند، مودیر شورتەی هەولێرێ ئەو سەردەمە خوا عافوی بکا شێخ ڕەزا بوو، ئەو شێخە گەورەیە قەرارەکی دەرکرد کەوا هەرچی گەنجی بێ ئیش و کارو سەربە موشکیلە لە هەولێرێ هەنە هەموویان بکاتە شوڕتە!
ئەو بە حيکمەتى خۆی وای لێکدابووەوە کەوا ئەوانە لەجیاتی ئەوەی ببنە مايەى سەرئێشه و موشکیلە خوڵقاندن لۆ دەوڵەت، با بیانخاتە بندەستی دەوڵەت و لەبەردەستی خۆی بن باشتر موراقەبەیان دەکا بەوەش وردەوردە ئیسلاح دەبن، ئەوجا ئەو وەختی گۆرانییەکەی فازیل عەواد تازە دەرچوو بوو خەرکی ناویان لەو شوڕتانەيان نا (شوڕتەی لا خەبەر) ئاخر هەولێرییەکان ئەو عادەتەیان خۆشە کەناو لە هەموو شتەکی دەنێن نەک بەس لەسەیارە و مۆبایل. ئەوجا لە هەمووشى خۆشتر ئێستا ئەو شورتە لاخەبەرانەى جاران زۆربەيان ڕوتبەيان گەيشتيتە موقەدەم و عەقيد و عەميد، ئەگەر فازیڵ عەواد گۆرانيەکى تازەيان لۆ دەر نەکا لەوانەيە ڕوتبەيان بگاتە فەريق ئەوەل ڕوکن و ئينقلاب بەسەر مستەفا کازمييەوە بکەن..[1]
باقی وەلسەلام...
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!