بابی بێ برایە ئامۆزای زۆرە
بابی بێ برا: تاقانە، ئەو کەسەیە کە تاقە کوڕی پیاوێکە و هیچ برایەکی لە بابی خۆیدا نییە و بێ برایە، ئەگەر کەسێک هیچ برایەکی نەبێت، کوڕەکەشی (مام)ی نابێت، ئەدی چۆن ئەو هەموو ئامۆزایەی بۆ پەیدا بوو؟! لە گوندی #ئیلنجاغی گەورە# ی شارەدێی #تەقتەق#ی #کۆیە#، کەسایەتییەکی سەربازی و سیاسی لە نیوەی دووەمی سەدەی بیست و سەرەتای سەدەی بیست و یەک لە شۆڕشی نوێ و حکومەتی هەرێمی کوردستان دەرکەوت، باوکی تاقانە و بێ برا بوو، ئەو کەسایەتییە لە سنووری پارێزگای #هەولێر# بووە فەرماندەی فەرماندەیی هێزەکانی پێشمەرگە و ئەندامی سەرکردایەتی حزبێکی باڵادەست و سەرۆکی فراکسۆنی ئەو حزبە لە پەڕڵەمانی کوردستان، هەموو خەڵکی ئاوایی و ناوچەکە خۆیان بەخزم و کەسوکاری دادەنا، لەلای کەسی نەناسراویش خۆیان دەکردە ئامۆزای باوک برا، ئەو حاڵەتە لە شاری #هەولێر#ێ بووە بە ئیدیۆم و دەوترێت: بابی بێ برایە، ئامۆزای زۆرە.[1]
Denna post har skrivits in (کوردیی ناوەڕاست) språk, klicka på ikonen
![](https://www.kurdipedia.org/images/flags/ku.png)
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 12 gånger
Skriv din kommentar om den här artikeln !