$ژیاننامە$
ڕۆژی #21-08-1895# لە شاری #ئەستەمبوڵ# لەدایک بووە و هەر لەوێ تا قۆناغی ئامادەیی خوێندووە. لە ئەنجامی شۆڕشەکەی #شێخ سەعیدی پیران# دا، بنەماڵەکەیان بە ناچاری ڕوویان کردۆتە شام و لە دوای ساڵی (1925) ەوە هاوڕێ لەگەڵ جەلادەت بەدرخانی برای دادەستیان داوەتە خەباتی نهێنی و ڕۆڵێکی گەورەیان بینی لە دامەزراندنی کۆمەڵەی (#خۆییبوون#) دا. دواتر کامەران بەدرخان بۆ تەواوکردنی خوێندنی باڵا ڕووی کردۆتە ئەڵمانیا و درێژەی بە خوێندن داوە و بڕوانامەی دکتۆرای وەرگرتووە.
شانبەشانی ئەمەش بەردەوام هاوکاری #جەلادەت بەدرخان#ی برای کردووە لە دەرکردنی هەردوو گۆڤاری (#هاوار#) و (#ڕووناهی#) دا. ساڵی 1943 بەشێوەیەکی کاتی لە بەیرووت نیشتەجێ بووە و گۆڤارێکی دەرکردووە بە شێوەی کرمانجی ژووروو کە ناوی گۆڤاری (#ڕوژا نو#) بوو. لە کۆتایی هەمان ساڵیشدا گۆڤارێکی تریشی دەرکردووە بە ناونیشانی گۆڤاری (#ستێر#) .
دکتۆر کامەران بەدرخان ساڵی 1947 لە فەڕەنسا نیشتەجێ بووە و لە پاریس پەیمانگەیەکی بۆ خوێندنی کوردی دامەزراندووە و وەک پسپۆڕێکی زمانی کوردی سەرپەرشتی خوێندکارانی باڵای ئەو بەشەی کردووە و پاشان لە ساڵی 1954دا لە زانکۆی (سۆربۆن) بووە بە مامۆستا.
$بڵاوکراوەکان$
ئەم زانا گەورەیە 15 پەرتووکی بەنرخی بە هەردوو زمانی کوردی و فەڕەنسی بە چاپ گەیاندووە و چوار پەرتووکی تریشی هێشتا دەستنووسن و چاپ نەکراون.
$کۆچی دوایی$
کامەران بەدرخان پاش تەمەنێکی پڕ سەروەری و هەڵوێست بەرزی ڕۆژی #06-12- 1978# کۆچی دوایی کرد. [1]
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 153,474
Escriba su comentario sobre este artículo!