سورەییا بەدرخان کوڕی ئەمین عالی بەدرخان سێیەمین خاوەن ئیمتیاز و سەرنووسەری ڕۆژنامەی کوردستان (قاهیرە / 1917- 1918) باوکی برای کامەران و جەلادەت بەدرخانە. ئەم ڕۆشنبیرە گەورەیە جگە لە زمانی کوردی، عەرەبی و فارسی و تورکی و ئینگلیزی و فەرەنسیشی بەچاکی زانیوە. فەرهەنگ و شارستانیەتی ئەوروپا بەئاشکرا بەنووسین و بەرهەمەکانیەوە دیارە. سورەییا بەدرخان هێندە بەناوبانگە کە ئینسکلۆپیدیای ئیسلام لەهەردوو چاپە ئینگلیزی و فەرەنسیەکەیدا باسی کردووە، ئەم ڕۆڵە تێکۆشەرەی بنەماڵەی بەدرخانییەکان هەندێ جار بەناوی (د.بلەچ شێرکۆ) و هەندێ جاریش بەناوی (ئازیزی ئەحمەد)ەوە نووسین و بەرهەمی بڵاوکردۆتەوە. ساڵی 1920 ڕۆڵێکی گەورەی بینی لەپێکهێنانی ڕێکخراوی خۆیبوون کە لەقاهیرە دامەزرا. سورەییا بەدرخان بەدرێژایی ساڵەکانی 1908- 1938 ئاوارە بووە لە ئەستەمبوڵ و قاهیرە و حەڵەب و دیمەشق و بەیروت و عەممان و لەوڵاتانی فەرەنسا و ئیتاڵیا و برۆکسل و قوبرس و ئەمریکا، هەمیشە دەربەدەر بووە و بەو پەڕی تواناوە هەوڵی داوە کێشەی کورد بەجیهان بناسێنێ. ساڵانی کۆتایی ژیانی لەپاریس بردۆتە سەر بۆ ئەوەی لەوێوە کە (دڵی ئەوروپا) یە باشتر خزمەتی نەتەوەکەی خۆی بکات. سورەییا بەدرخان ساڵی 1938 لەپاریس کۆچی دوایی کرد.
Este artículo ha sido escrito en (کوردیی ناوەڕاست - Central Kurdish) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 10,201
Escriba su comentario sobre este artículo!