دکەڤیتە سەر رێکا سەرەکى ئەوا ژسەنتەرێ پارێزگەمێ دچیتە قەزا ئامێدیێ و (41)کم ژ باژێرێ دهوکێ دویرە وب (1046) م یابلندە ژ ئاستێ دەریایێ وبلندترین پلا گەرماتیێ ل هاڤینێ دگەهیتە (24) پلا و دهاتە هژمارتن ژخوشترین و بەرنیاسترین هاڤینگەهێن هەرێما کوردستانێ ژبەر کەش و هوایێ وێ یێ تەنا و هین وئاڤەکا مشە رامانا پەیڤا وێ ژ (سینگێ چیاى) هاتیە ژبەرکو دکەڤیتە سینگێ چیایێ گارەى دیسان بوچونەکا دى هەیە دبێژیت (سەر) وسنک یانکو سەرێ سنکى کو جهێ چێبونا کێزا سنکى و ل ڤان سالێن دیماهیێ ئاشکرا بو کو کێزا سنکى قەستا سەرێ گارەى دکەت بو زێدەبون و ڤەشارتنا هێکا خو ل پایزو زڤستانا.
دارستانەکا سروشتى یا بەرفرەە ل سنورێ ناحیێ هەیە مفا ژ دارو بارێ وێ دهیتە وەرگرتن بو بخودانکرنا تەرش و کەوالى لێ ل ڤان سالێن دیماهیێ ژبەر دورپێچێن ئابورى و نەبونا سوتەمەنیێ زیانێن مەزن گەهەشتینە دارو بارێ وێ، خەلکێ ناحیێ باهرا پێتریا ژیارا وان لسەر چاندنا دەرامەتێ زڤستانێ یە وەکو گەنم جەە نوک نیسک و بوچاندنێ ژى مفاى ژ دەشتا سپنەى وەردگرن زیدەبارى چاندنا دەرامەتێ هاڤینى وەکو برنج باجانک و کەسکاتى و پیڤاز و توتن کو دەڤەرا بەرێگارەى یا بەرنیاسە ب چاندنا تویتنێ هەروەسا گەلەک بیستانێن فێقى وەکو سێڤ و خوخ و هورمیک و حولیک و مێوێن ترى لێ هەنە زێدەبارى گویز و باهیڤ و هژیر و سپیندار و مازى و گوهیشک، ژ گرنگ وبەرنیاسترین چیایێن وێ چیایێ گارەى ئەوێ دکەڤیتە ناڤەراستا ئەردێ ناحیێ دیسان چیایێ مەتینا ئەوێ دبیتە سنورێ ناحیێ دگەل ناحیا کانى ماسێ و ژ گرنگترین رویبارێن وێ (روبارێ سپنەى) یێ روژئاڤا ئەوێ ژگوندێ ئەرەدنا دزێت و دچیتە بەبانکێ و داودیێ هەمزا و دوکەرێ هەتا دگەهیتە خابیرى.
ل ناحیا سەرسنکێ گەلەک جهێن شینواراهەنە و رێڤەبەریا شینوارا ل دهوکێ (14) جە تومارکرینە دسەر هندیرا کو چ لێگەریانێن هویر بونەهاتینە کرن ژوان کەلها ئاشەوا ئەوا گەلەک ناڤێ وێ دناڤ پەرتوکێن (بلدانیا) دا هاتى زێدەبارى شینوارێن (ئامێدیکا خراب).
ژبەرنیاسترین هاڤینگەهێن وێ زێدەبارى سەنتەرێ ناحیێ سیارەتیکا – ئاشەوا گەرەگو زێدەبارى چەندین گوند و جهێن دى ل دەڤەرا بەرێ گارەى کو ژجوانترین دەڤەرایە بو بوراندنا دەمێن خوش ل هاڤینێ.
دیسان بو خو حولیساندنا سەر بەفرێ جهێن خوش هەنە ئەگەر دەستێ ئاڤاکرنێ و گەهاندنا رێکا بگەهیتێ هەرچەندە سەرێ گارەى و ئاشەوا هاتبونە ئاڤاکرن ژلایێ رچێما بەعس یاگور بگور ڤە لێ جارەکا دى بوینە هاڤینگەە وخەلکێ گەشت و گوزار دەمێن خوش لێ دبورنن.
روبەرێ ناحیێ (918) کم2 و هژمارا گوندێن وێ (35) گوندن هەمى ل هوا ئەنفالێن رەش هاتبونە وێرانکرن بتنێ سەنتەرێ ناحیێ و کومەلگەها قەدشێ یا بخورتى چێکرى مابونە ئاڤا، لێ پشتى سەرهلدانا پیروز و دامەزراندنا حکومەتا هەرێمێ باهرا پێتریا گوندێن وێ هاتنە ئاڤاکرن.
Este artículo ha sido escrito en (کرمانجی) Lenguaje, haga clic en el icono de
para abrir el artículo en el idioma original!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Este artículo ha sido visitado veces 8,929
Escriba su comentario sobre este artículo!