د سالا 1967 ئان دە ل ئاموودێ، رۆژاڤایێ کوردستانێ (سووریێ) ژ دایک بوویە.
ل زانینگەها هەلەبێ فاکولتەیا هقووق قەداندیە و ژ سالا 2000 ی دە ل ئەلمانیایێ دژی.
ب دەهان گۆتارێن وێژەیی د کۆڤار و رۆژنامەیێن ئەرەبی و کوردی دە وەشاندنە.
هەتا نها بەرهەمێن وی ب کوردی، ئەرەبی، ترکی و ئەلمانی هاتنە وەشاندن. هەموو بەرهەمێن وی یێن ب کوردی ژ هێلا وەشانخانەیا ئاڤەستا یێ ڤە ل ستەنبۆلێ هاتنە وەشاندن.
بەرهەمێن وی یێن چاپکری ئەڤ ن :
1- مێرێ ئاڤس - چیرۆک – 1991، ب ئەرەبی، شام. 1997 ب کوردی. 2004 ب ئەلمانی،وەرگێر : هەد کارگە.
2- ژنێن قاتێن بلند - چیرۆک – 1995، ب ئەرەبی بەیرووت. 1998 ب کوردی.
3- مری رانازن - چیرۆک – 1996، ب کوردی. چ² 2002.1998 ب ترکی،وەرگێر: رەهمی باتوور.
4- سۆبارتۆ – رۆمان – 1999، ب کوردی. 1999 ب ئەرەبی، بەیرووت. چ² : 2004، هەولێر.
5- مەمێ بێ زین - چیرۆک – 2003، ب کوردی.
6- ترسا بێ دران – رۆمان – 2006، ب کوردی
7- گاڤا کو ماسی تی دبن - رۆمان - 2008، ب کوردی
8- ترسا بێ دران - رۆمان - 2009، ب ئەرەبی
ژ شانۆیێن کو ژ نڤیسێن وی هاتنە گرتن :
کۆمارا دینان،
بدارڤەکرنا پۆزەکی،
سۆل و سەری.
ژ 11-11-2000 دە، بەرنامەیەکە وێژەیی، ب ناڤێ گاڤا سێیەمین، هەفتانە، د مەدیاتڤ و مەزۆپۆتامیا تڤ و نها ژی د رۆژتڤ دە ئامادە و پێشکێش دکە.