- پارێزگاری کەرکووک عەبدولڕەحمان مستەفا ڕایگەیاند: نابێت بەبێ جێبەجێکردنی مادەی 58 دەستووری کاتیی ئێڕاق هەڵبژاردن لە کەرکووکدا سازبدرێت.
- بەپێی هەندێک سەرچاوەی کوردی بەڕێوەبەری پۆلیسی موسڵ بۆ ئاکرێ هەڵهاتووە و پارتیش گرتوویەتی و ڕەوانەی بەغدای کردووە، ئەم بەڕێوەبەرە پەیوەندیی زۆری لەگەڵ تیرۆریستە عەرەبەکاندا هەبووە.
- بەپێی ئامارێک کە لە سایتی پەیامنێردا بڵاوکراوەتەوە، %40ی کوردی بندەستی داگیرکەری ئێران بێکارن و ئەمانە زۆربەیان خەریکی کاری قاچاخچین لەسەر سنووری ئێران و ئێڕاق، بەڵام بەپێی ئاماری د.ا %20 کورد بێکارن.
- بەستنی کۆنگرەی شەرەم ئەلشێخ لە میسر بۆ داڕشتنەوەی ئێڕاق، لەم کۆنگرەیەدا کۆڵن پاوڵ بەشداریی کرد و هەروەها هەموو وەزیرانی دەرەوەی وڵاتە دراوسێکانی ئێڕاقیش بەشدارییان کرد. وەفدی ئێڕاق بەسەرۆکایەتیی هوشیار زێباری بوو.
- جالیەی کوردی لە کازاخستان لەیادی تێپەڕبوونی 60 ساڵ بەسەر کۆڕەوی کوردەکان لە قەفقازەوە کە ساڵی 1944 ڕوویدا، لە سەنتەری کەلتووریی نیشتمانیی شاری ئالمائاتا کۆبوونەوە و ئاهەنگێکیان گێڕا. لە ئاهەنگەکەدا جگە لە ژمارەیەکی زۆری کورد، نزیکەی 600 میوانی بێگانەش ئامادەبوون لە نێویشیاندا ئەلێکساندەر سێرگیۆڤیچ تیرشنکۆ سەرۆکی ئێسنبلی کازاخستان و ڤیکتۆر ڤۆیسلاف خیربانۆف پارێزگاری شاری ئالمائاتا و باڵیۆزەکانی ئەرمینیا، لاتڤیا، پۆلۆنیا، ڕۆمانیا و ئیسرائیل و، هەریەک لەوانە لە ئاهەنگەکەدا وتەیەکیان پێشکەش کرد و جەختیان لەسەر ئەوە کردەوە کە پێویستە دانیشتوانی کورد لە ئازادیدا بژین و بەمافە ڕەواکانی خۆیان شاد بن.
- پەڕڵەمانی ئەوروپی لەسەر کێشەی کورد لە تورکیا کۆبوونەوەیەکی سازکرد و لەو کۆبوونەوەیەدا چەند کوردێکیش بەشداربوون.
Este artículo ha sido escrito en (کوردیی ناوەڕاست) Lenguaje, haga clic en el icono de
![](https://www.kurdipedia.org/images/flags/ku.png)
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 11,554
Escriba su comentario sobre este artículo!